ESFNA one በአሜሪካ የፌዴራል ፍርድ ቤት ለጊዜው ታገደ

[ኢ.ኤም.ኤፍ.] በሰሜን አሜሪካ የስፖርት ፌዴሬሽን በመጪው የጁላይ ወር 29ኛ ክብረ በአሉን በዳላስ ከተማ ለማክበር በዝግጅት ላይ ነው። ይህ በእንዲህ እንዳለ፤ “ESFNA One” በሚል አዲስ ተቋቁሞ እንቅስቃሴ የጀመረው ቡድን፤ በዋሺንግተን ዲሲ በተመሳሳይ ሳምንት፤ ተመሳሳይ ዝግጅት የሚያደርግ መሆኑን አሳውቋል። ሆኖም 29 አመታት ያስቆጠረው ፌዴሬሽን፤ “ESFNA One” የተባለው ድርጅት ተመሳሳይ ስም እና ሎጎ ሊጠቀም አይገባም፤ በሚል አሜሪካ ውስጥ ክስ መስርቶ ነበር። በዛሬው እለት የተሰጠው ብይን እንደሚያመለክተው ከሆነ፤ ፍርድ ቤቱ ለ29 አመቱ ፌዴሬሽን የፈረደለት መሆኑን የኢ.ኤም.ኤፍ. የቅርብ ምንጮች አመልክተዋል። በዚህም መሰረት “ESFNA One” የተባለው ድርጅት ይህንን ስም መጠቀም አይችልም ማለት ነው።

ዜናውን አስመልክቶ የሁለቱም ወገኖች ነጻ የሆነ አስተያየታቸውን እንዲሰጡ መድረኩን ክፍት ለማድረግ ሞክንረን ነበር። ወደ ሁለቱም ወገኖች ዘንድ ደወልን፤ መልዕክትም ተውንላቸው። ይህ ዜና በተላለፈ ሰአታት ውስጥ ተቆጠሩ። ሁለቱም ወገኖች የሰጡት መግለጫ አልነበረም።
ጉዳዩ ይመለከታቸዋል ወዳልነው ወደሁለቱም ወገኖች የስልክ መልዕክት አስተላለፍን። በመጨረሻ ከ ESFNA ወገን አቶ ስለሺን በስልክ አገኘናቸው። ያደረግነውን ቃለ ምልልስ ጨምቀን፤ የሳቸውን ምላሽ በአጭሩ ከዚህ ቀጥሎ አቅርበነዋል።
በቅድሚያ መታወቅ ያለበት ነገር፤ እነሱ እንደሚሉት ልዩነታችን የፖለቲካ ጉዳይ አይደለም። እኛ የትኛውንም የፖለቲካ ድርጅት አንደግፍም፤ ገንዘብ አንሰጥም ወይም አንቀበልም። በኛ እና በሌሎቹ መካከል ያለው ልዩነት “በህግ አንገዛም”ነው።
የወ/ት ብርቱካን ሚዴቅሳን ጉዳይ እንደምክንያት ተጠቀሙበት እንጂ፤ ዋናው ልዩነታችን በፌዴሬሽኑ ህገ ደንብ አለመገዛታቸው ሲሆን፤ እነሱ የሚሉት “እናንተ በምትመርጡት አመራር አንመራም።” ነው። “ሼኩም የሚሰጡት ገንዘብ እኛን ብለው እንጂ እናንተን ብለው አይደለም” እያሉ ናቸው።
ሆኖም ከዚህ ሁሉ አልፈው ተርፈው የኛን ታሪክ ታሪካችን ነው ሲሉ፤ ስም እና ተመሳሳይ አርማችንን በመጠቀም በድርጅታችን ላይ በደል አድርገዋል። በመሆኑም በሜሪላንድ የፌዴራል ፍርድ ቤት ክስ መስርተን በአሁኑ ወቅት ጊዜያዊ የእገዳ ትዕዛዝ በዛሬው እለት ተሰጥቶናል። ይህ ትዕዛዝ የተላለፈው ደግሞ ፍርድ ቤቱ መረጃችንን አይቶ ስለተቀበለው ነው።
ይሄ ማለት ምንድነው? ከዚህ በኋላ ESFNA ከሚለው ስም ፊትም ሆነ በኋላ ምንም ነገር ማስገባትና መጠቀም አይችሉም። በESFNA ስም ማስታወቂያ መሰብሰብ ወይም ማሰብሰብ አይችሉም። በድረ ገጻቸው ላይ ESFNA የሚለውን ስም መጠቀም አይችሉም። ይህ እንግዲህ አሁን ለጊዜው የተሰጠ የፍርድ ቤት ትዕዛዝ ሲሆን፤ ኤፕሪል 27 ቀን ይሄው ትዕዛዝ የመጨረሻ ሆኖ እንዲጸድቅ ሌላ ቀጠሮ አለን።
በማለት በተለይ ለኢ.ኤም.ኤፍ. ገልጸዋል።
የፍርድ ቤቱን ትዕዛዝ ዋና ቅጂ በቅርብ ቀናት ውስጥ ለህትመት የምናበቃ መሆኑን ከወዲሁ እናሳውቃለን።

Share Button
Disclaimer: We are not responsible for any losses or damages that may have caused by using our services. EMF declines all responsibility for the contents of the materials stored by users. Each and every user is solely responsible for the posts.
Posted by on April 13, 2012. Filed under Uncategorized. You can follow any responses to this entry through the RSS 2.0. You can leave a response or trackback to this entry

Leave a Reply

Your email address will not be published. Required fields are marked *