ፓትሪያርክ መርቆሬዎስ ቡራኬ ሰጡ፤ ሊቀካህናት ምሳሌ እንግዳ ታሪካዊ ስህተት እንዳይሰራ አስጠነቀቁ

Church Picture 4ትናንት እሁድ ታህሳስ 21 ቀን በቶሮንቶ በተከበረው አመታዊው የታህሳስ ገብርኤል በዓለ ንግስ ላይ ፓትሪያርክ መርቆሬዎስ ለህዝቡ ቡራኬ የሰጡ ሲሆን፤ ሊቀ ካህናት ምሳሌ እንግዳ ከሰላምና አንድነት ሂደቱ ጋር በተያያዘ ጉዳዩ አሳዛኝ አቅጣጫ እየያዘ መሆኑን ገልጸው፤ ታሪካዊ ስህተት እንዳይሰራ ህዝቡ በንቃት እንዲጠባበቅ አሳስበዋል።

በትናንትናው እለት በተከበረውን የታህሳስ ገብርኤል በኣል ላይ ለህዝቡ ባሰሙት አጭር የመግቢያ ንግግር፤ የውጪው ሲኖዶስ አባላት የቤተክርስቲያን አንድነት እንዲከበር ጥረት ቢያደርጉም፤ ከሰላምና አንድነት ጉባኤው አዘጋጆቹ አንዱና የኢትዮጵያውን ቅዱስ ሲኖዶስ ሊያናግሩ ሄደው የነበሩት ሊቀካህናት ሀይለስላሴ አለማየሁ ከቤታቸው ወደ ፖሊስ ጣቢያ ተጠርተው በአጃቢ ወደአሜሪካ በግድ እንዲመለሱ እንደተደረጉ ተናግረዋል።

ሌላኛው ሸምጋይ ዲያቆን አንዱአለም የደረሰበት እንደማይታወቅም ተናግረው ዝርዝሩን በመጪው ሳምንት ለህዝቡ እንደሚገልጹና ህዝቡም በንቃት እንዲከታተል አሳስበዋል።

በስደት የሚገኘው ሲኖዶስ የህዝብ ግንኙነት ሀላፊ የሆኑት ሊቀ ካህናት ምሳሌ እንግዳ በዚህ ሳምንት የጉዳዩን መጨረሻ ተመልከተው ስለሰላምና አንድነት ሂደቱና በሸምጋዮቹ ላይ ስለደረሰው ችግር መግለጫ እንደሚሰጡም ጠቁመዋል።

በትናንትናው እለት በተከበረው በዓል ላይ ባለፈው ወር የቶሮንቶ ቅድስት ማርያም ካቴድራልን መርቀው የከፈቱት ብጹእ ወቅዱስ አቡነ መርቆሬዎስ ፓትሪያርክ ርእሰ ልቃነ ጳጳሳት ዘኢትዮጵያ የተገኙ ሲሆን፤ የአቋቀም ሊቅ የሆኑት ፓትሪያርክ በእለቱ በቅዳሴና በዝማሬ፤ በብርቱ መንፈስ ሲያገለግሉ ውለዋል።

የፓትሪያርኩ ጤናም በመልካም ሁኔታ ላይ እንደሚገኝ ታውቋል።

Share Button
Disclaimer: We are not responsible for any losses or damages that may have caused by using our services. EMF declines all responsibility for the contents of the materials stored by users. Each and every user is solely responsible for the posts.
Posted by on January 1, 2013. Filed under Uncategorized. You can follow any responses to this entry through the RSS 2.0. Responses are currently closed, but you can trackback from your own site.