የግብጹ እጩ ፕሬዘዳንት ከኢትዮጵያ ጋር ጦርነት የማይቀር መሆኑን አሳወቁ!

በግብፅ በቅርቡ ይካሄዳል ተብሎ ለሚጠበቀው ፕሬዚዳንታዊ ምርጫ ራሳቸውን በዕጩነት ያቀረቡት የሕግ ባለሙያው ሞርታዳ ማንሱር፣ ‹‹ኢትዮጵያ የህዳሴውን ግድብ ግንባታ ካላቆመች ወታደራዊ ኃይል እጠቀማለሁ፤›› በማለት አስጠነቀቁ፡፡

አወዛጋቢና ስሜታዊ እንደሆኑ በይፋ የሚታወቁት የሕግ ባለሙያና ከሳምንት በፊት ደግም ዛማሌክ ለተባለው ታዋቂ የግብፅ እግር ኳስ ቡድን ሊቀመንበር ሆነው የተመረጡት ማንሱር፣ ማስጠንቀቂያውን ያስተላለፉት ባለፈው እሑድ ፕሬዚዳንታዊ ውድድርን አስመልክቶ በሰጡት ማብራሪያ ነው፡፡ በኢትዮጵያ ላይ ጦነርት በመክፈት የግብፅ ሕዝብን ጥቅም እንደሚያስከብሩም ተናግረዋል፡፡ የዓባይ ወንዝን በተመለከተ እ.ኤ.አ. በ1929 እና በ1959 የተፈረሙ ዓለም አቀፍ ስምምነቶች መኖራቸውን ያስታወሱት ማንሱር፣ ኢትዮጵያ ይህንን ስምምነት ወደጎን ብላ ግንባታውን መቀጠሏን ተቃውመዋል፡፡

‹‹ኢትዮጵያና ግብፅን ከማግባባት የተቆጠቡ ዓለም አቀፍ ተቋማት አሉ፡፡ በዚህም ምክንያት ኢትዮጵያ በአቋሟ ፀንታ ግድቡን መገንባት ቀጥላለች፡፡ ኢትዮጵያ ወታደራዊ አቅም እንዳላት በመግለጽ ግብፅን እያስፈራራች ነው፡፡ ነገር ግን ግብፅም ወታደራዊ አቅም አላት፤›› ብለዋል፡፡

Mortada Mansour

Mortada Mansour

ከኢትዮጵያ ጀርባ እስራኤል እንዳለች የተናገሩት ማንሱር፣ ይህ ቢሆንም የግብፅን የውኃ ድርሻ ለመገደብ የሚደረግ ጥረት ለግብፃውያን የሞትና ሽረት ጉዳይ ነው ሲሉ አስታውቀዋል፡፡

‹‹ወደ ግድቡ የጦር ጄኔራሎቻቸውን ወስደው እየፎከሩ ግብፅ ከመጣች የሚሉ ከሆነ ግብፅም ጄኔራሎችና ተዋጊ ጄቶች እንዳላት ይወቁ፡፡ ግብፅ ጠብታ ውኃ እንዲጎድልባት አትፈቅድም፡፡ በዚህ ጉዳይ አንደራደርም፡፡ ይህ ለግብፃውያን ሞትና ሽረት ነው፤›› ብለዋል፡፡ ለግብፅ ፕሬዚዳንትነት ራሳቸውን በዕጩነት ያቀረቡት ማንሱር ገና ወደ ውድድር ለመግባት የግብፅ ፕሬዚዳንታዊ ምርጫ ኮሚሽንን ይሁንታ ማግኘት እንደሚጠበቅባቸው የአገሪቱ ሚዲያዎች ዘግበዋል፡፡

የሕግ ባለሙያው ማንሱር የኮሚሽኑን ይሁንታ እንኳን ማግኘት ቢችሉ የሚወዳደሩት በቅርቡ ከግብፅ መከላከያ ሚኒስትርነትና ጠቅላይ ኤታ ማዦር ሹምነት ከለቀቁት ፊልድ ማርሻል አልሲሲ ጋር መሆኑን የጠቆሙት መገናኛ ብዙኃን፣ በፕሬዚዳንትነት የመመረጥ ተስፋ እንደሌላቸው የተለያዩ ምክንያቶችን አስቀምጠዋል፡፡

በግብፅ እ.ኤ.አ. በ2012 በተካሄደው ምርጫ ላይ ለመሳተፍ ማንሱር ራሳቸውን በዕጩነት አቅርበው የነበረ ቢሆንም፣ በፕሬዚዳንታዊ ምርጫ ኮሚሽኑ ተቀባይነት አለማግኘታቸው አንዱ ነው፡፡ እ.ኤ.አ. ከ1990 ጀምሮ አራት ጊዜ ለፓርላማ ቢወዳደሩም ማሸነፍ የቻሉት ግን አንድ ጊዜ መሆኑን፣ እንዲሁም ሰውየው በጣም ስሜታዊና ግልፍተኛ መሆናቸው በቴሌቪዥን ቃለ ምልልስ ጭምር መረጋገጡ በምክንያትነት የተጠቀሱት ናቸው፡፡

ማንሱር ግልፍተኛና ስሜታዊ ቢሆኑም፣ በርካቶች የግብፅ አመራሮች በግልጽ አያወጡትም እንጂ በዓባይ ጉዳይ ተመሳሳይ አቋም እንዳላቸው በተደጋጋሚ የሚነገር ከመሆኑም ባሻገር፣ ከዓመት በፊት የግብፅ ፕሬዚዳንት በነበሩት መሐመድ ሙርሲ ጊዜ በግብፅ በቀጥታ ቴሌቪዥን እንዲህ ዓይነቱ ማስጠንቀቂያ መተላለፉ ይታወሳል፡፡

የኢትዮጵያ መንግሥት ባለሥልጣናት ግን ከግብፅ በኩል በቀጥታ ጥቃት ይሰነዘራል ብለው አይገምቱም፡፡ የመከላከያ ሚኒስትሩ አቶ ሲራጅ ፈጌሳ ባለፈው ሳምንት በዚህ ጉዳይ ላይ በፓርላማው ተጠይቀው የሰጡት ምላሽ ተመሳሳይ ነው፡፡ ለዚህ የጠቀሷቸው ምክንያቶች ኢትዮጵያ የግድቡን ግንባታ እያካሄደች የምትገኘው ከዓለም ተደብቃ አለመሆኑንና የተለያዩ የአውሮፓ አገሮች ዜጎች በግድቡ ግንባታ ላይ እየተሳተፉ መሆናቸው ዋነኞቹ ናቸው፡፡ ይሁን እንጂ የኢትዮጵያ ሠራዊት ማንኛውንም ጥቃት የመመከት ዝግጁነት እንዳለው ግን አረጋግጠዋል፡፡

የማንሱርን ንግግር በተለያዩ ድረ ገጾች የተከታተሉ ግብፃውያንና ኢትዮጵያውያን ስሜቶቻቸውን በድረ ገጾቹ ላይ አስፍረዋል፡፡ ‹‹ጥሩ ፕሬዚዳንት የሚለካው በመደራደር አቅሙ፣ ትዕግሥቱና ዕውቀቱ ነው፡፡ ኃይል የመጨረሻ አማራጭ ነው፡፡ በአሁኑ ወቅት ከኢትዮጵያ ግድብ በላይ የሚያስጨንቀን የውስጥ ጉዳይ አለ፤›› የሚሉ የግብፃውያን አስተያየት አዘል ሙግቶች በግለሰቡ ላይ ተሰንዝረዋል፡፡

በኢትዮጵያውያን አንባቢያን በኩል እልህ የተጋቡ የሚመስሉ አስተያየቶች የተሰነዘሩ ቢሆንም፣ በሌላ በኩል ኢትዮጵያና ግብፅ ቢተባበሩ ሁለቱም ይጠቀማሉ፣ ነገር ግን ግብፅ እንደ ማንሱር ከወሰነች ሁሉቱ አገሮች ይጎዳሉ ብለዋል፡፡ ግብፅ በግድቡ ምክንያት የውኃ አቅርቦት እንደማይስተጓጐልባት ይልቁንም ከዚህ ግድብ በሚመነጭ የኤሌክትሪክ ኃይል ተጠቃሚ እንደምትሆን የገለጹ አሉ፡፡

የግብፅ ባለሥልጣናት፣ ፖለቲከኞችና ሚዲያዎች ተለዋዋጭ አቋም በየጊዜው እየተንፀባረቀ ሲሆን፣ ባለፈው ሳምንት የውጭ ጉዳይ ሚኒስትሩ ከግድቡ ቦንድ በመግዛት የግድቡ ግንባታ ማኔጅመንት ላይ ለመሳተፍ ጥያቄ አቅርበው ነበር፡፡ በኢትዮጵያ መንግሥት በኩል የተሰጠው ምላሽ የግድቡ ባለቤት ኢትዮጵያ ስለሆነች ይልቁንም ግብፅ ወደ ድርድሩ መመለስ ይሻላታል ነበር የተባለው፡፡

ምንጭ፡ ሪፖርተር

Share Button
Disclaimer: We are not responsible for any losses or damages that may have caused by using our services. EMF declines all responsibility for the contents of the materials stored by users. Each and every user is solely responsible for the posts.
Posted by on April 9, 2014. Filed under Uncategorized. You can follow any responses to this entry through the RSS 2.0. You can leave a response or trackback to this entry

3 Responses to የግብጹ እጩ ፕሬዘዳንት ከኢትዮጵያ ጋር ጦርነት የማይቀር መሆኑን አሳወቁ!

  1. ኣበበ Reply

    April 11, 2014 at 9:58 PM

    ይህንን ሊንክ አግኝቼ ላክሁላችሁ
    http://erecycler.wordpress.com/

  2. Mohammed Abdella Reply

    April 15, 2014 at 8:10 AM

    The government of Egypt and some Egyptian politicaians are stating that Egypt has an exclusive right over the nile river. They claim they have signed a treaty with their colonial master which is the United Kingdom. Ethiopia has not been included in this treaty. United Kingdom has no right whatsoever to give an exclusive right to Egypt over Nile river particulaly the Blue Nile as the river nor the country Ethitopia was not and is not a colony of Unitee Kingdom. Therefore the treaty between Egypt and United Kingdom signed in 1929 is not binding by international law. Ethiopia was and is a soverien state when Egypt and United Kingdom signed the treaty and yet Ethiopia was not includded in the 1929 treaty. It is meanigless to continue to state the 1929 nile treaty which has no relevent for Ethiopia. Egypt claims to declare war against Ethiopia if the building of the blue nile dam continues to be built. Egyptian warning has not stopped the building of the dam. The dam building will be completed according to plan if not earlier. I sugget to Egypt to discuss the matter in a civlized way with Ethiopia. Ethiopia has not in its history started war with any country. However it has never failed to defend the people and the country. If push come to shove and Egypt attacks Ethiopia, I recommend to Ethioipian government to bomb the Aswan Dam and Egypt and Egyptians will only be history.

  3. መሰለ Reply

    April 17, 2014 at 2:23 AM

    ኢትዮፕያዋያን ናን እንችላለን

Leave a Reply

Your email address will not be published. Required fields are marked *