የኢትዮጵያ ገቢዎችና ጉምሩክ ዳይሬክተር እና ምክትሉ በቁጥጥር ስር ዋሉ

(EMF) – በኢትዮጵያ ገቢዎችና ጉምሩክ ባለሥልጣን በዋና ዳይሬክተር የነበሩት አቶ መላኩ ፈንታ እና አቶ ገብረዋህድ ወልደጊዮርጊስ በዛሬው እለት በሙስና ተጠርጥረው በቁጥጥር ስር ውለዋል። ሁለቱ በሙስና የታሰሩት ባለውልጣናት የግምሩክ ዳይሬክተር እና ምክትል ዳይሬክተሮች ናቸው። አቶ መላኩ ፈንታ ትውልድ እና ዕድገታቸው በጎንደር ከተማ ሲሆን፤ ስብሰባ ሄደው አያውቁም እንጂ፤ የአዲስ አበባ ምክር ቤት አባል ናቸው። ባለፉት አመታት የኢህአዴግ ታማኝ አገልጋይ በመሆን የፌዴራል ጉዳዮች ሚንስትር ደኤታ ሆነው አገልግለዋል። አቶ ገብረዋህድ ወልደጊዮርጊስ ደግሞ የትግራይ ተወላጅ ሲሆኑ፤ በሙያ ችሎታ ሳይሆን በህወሃት አባልነታቸው ስልጣን እንዳገኙ ተደርጎ ሲነገር ነበር የቆየው።

(Left to right) Gebrewahed Deputy director and  Director Melaku Fenta

(Left to right) Gebrewahed Deputy director and Director Melaku Fenta


ከዚህ በፊት በኢትዮጵያ ውስጥ የሙስና ምንጮች ተብለው ከተጠቀሱት 3 ድርጅቶች ውስጥ የኢትዮጵያ ገቢዎችና ጉምሩክ ባለሥልጣን በዋናነት ሲጠቀስ ቆይቷል። ይህ ባለስልጣን መስሪያ ቤት ታክስ በነጋዴው ላይ በመጨመር ህብረተሰቡን ሲያማርር የቆየ ሲሆን፤ ሌሎችን በሙስና በመክሰስ ከአንድ ሺህ በላይ ኢትዮጵያውያን ከ6 ወራት እስከ 25 አመት በሚቆይ እስር እንዲፈረድባቸው ማድረጋቸው ይታወሳል። ከነዚህ ውስጥ በርግጥ በጥፋት የታሰሩ ቢኖሩም፤ ምንም ያላጠፉ እና የኢህአዴግን አስተዳደር ያልደገፉ፤ መዋጮ እንዲያደርጉ ተጠይቀው ያላደረጉ ሰዎች ሆን ተብሎ ከፍተኛ ታክስ ተጨምሮባቸው፤ መክፈል ባለመቻላቸው ጭምር ለእስር የተዳረጉ አሉበት።

እስካለፈ አመት ድረስ የግምሩክ ባለስልጣን ከ3 ሺህ በላይ ግለሰቦች እና ድርጅቶች ላይ ክስ መስርቶ ጉዳዩ በፍርድ ቤት እየታየ ነበር። አሁን የተሰማው አዲስ ወሬ እና ዜና ግን በተለይ የንግዱን ህብረተሰብ ያስገረመ ነገር ሆኗል። በኢትዮጵያ ገቢዎችና ጉምሩክ ባለሥልጣን በዋና ዳይሬክተር የነበሩት አቶ መላኩ ፈንታ እና አቶ ገብረዋህድ ወልደጊዮርጊስ እንዲሁም ከነሱ ጋር በመተባበር ሙስና ውስጥ የተዘፈቁ 15 የባለስልጣኑ መስሪያ ቤት ከፍተኛ ባለስልጣናት ናቸው በቁጥጥር ስር የዋሉት።

እንደደረሰን ዘገባ ከሆነ የግለሰቦቹ ቤት፣ ቢሮ ተበርብሯል። በስልክ እና በኢሜይል ሲያደርጉ የነበረው ግንኙነት ጭምር በህወሃቱ አቶ ደብረጽዮን የኤሌክትሮኒክስ ስለላ ስር ወድቆ ነበር። እናም መቆየት ደግ ነው “ኢህአዴግ ልጆቹን መብላት ጀመረ” የሚያሰኝ ወቅት ላይ ተደረሰ እያሉ ነው – ታዛቢዎች።

Share Button
Disclaimer: We are not responsible for any losses or damages that may have caused by using our services. EMF declines all responsibility for the contents of the materials stored by users. Each and every user is solely responsible for the posts.
Posted by on May 10, 2013. Filed under Uncategorized. You can follow any responses to this entry through the RSS 2.0. You can leave a response or trackback to this entry

2 Responses to የኢትዮጵያ ገቢዎችና ጉምሩክ ዳይሬክተር እና ምክትሉ በቁጥጥር ስር ዋሉ

  1. አለም Reply

    May 10, 2013 at 3:06 PM

    ጉቦ መብላቱ ሳያንስ, የሚያሳዝነው ጉቦ የበሉት አንዱ ትግሬ ሌላኛው አማራ መባሉ ነው::

  2. በለው Reply

    May 10, 2013 at 11:04 PM

    ኣቶ መላኩ ጎንዳር ተዎልደው ቢያደጉም ጎንደሪ አይደሉም ተዉን

Leave a Reply

Your email address will not be published. Required fields are marked *