የጀርመኑ እንደራሴ መለስን አላመኑም

በ ሰሎሞን አባተ | ዋሽንግተን ዲሲ 22 March, 2011

“ለጠቅላይ ሚኒስትሩ ስለመሬት መቀራመት፣ በኢትዮጵያ ስለ ሰብዓዊ መብቶች ጉዳዮች አንስቼ ጥያቄ አቅርቤላቸው ነበር፡፡ ሁሉም ነገሮች ከተቃዋሚዎች የሚፈልቁ ውሸቶች ናቸው አሉኝ፤ እኔ ግን እርሣቸውን አላመንኳቸውም፡፡” – ሚስተር ቲሎ ሆፐ፤ የጀርመን ፓርላማ አባልና የፓርላማው የእርዳታና የኢኮኖሚ ትብብር ኮሚቴ ምክትል ሰብሳቢ፡፡

በጀርመን የኢኮኖሚ ትብብርና ልማት ሚኒስትር ሚስተር ዲርክ ኒበል የተመራ አንድ የጀርመን መንግሥት ልዑካን ቡድን በኢትዮጵያ የሥራ ጉብኝት አድርጎ መመለሱ ይታወሳል፡፡

ያንን ጉብኝት ተከትሎ የሃገሪቱ ፓርላማ የእርዳታና የኢኮኖሚ ትብብር ኮሚቴ ባለፈው ሣምንት ውስጥ በርሊን ላይ ገለፃዎችን አዳምጦ ነበር፡፡

ከገለፃዎቹ በኋላም ተከታይ የውይይት ምሽት ተካሂዷል፡፡

የጀርመኑ ቡንደስታግ (ፓርላማ) አባልና የእርዳታና የኢኮኖሚ ትብብር ኮሚቴው ምክትል ሊቀመንበር ሚስተር ቲሎ ሆፐ ወደ ኢትዮጵያ ተጉዞ የነበረው የጀርመን መንግሥት ልዑካን ቡድን አባል ሆነው ሄደዋል፡፡

ባለፈው ሣምንት የተካሄደውንም የኮሚቴውን የኢትዮጵያ ጉዳይ ማብራሪያ ስብሰባ መርተዋል፡፡

የእንደራሴው ቲሎ ሆፐ ፅ/ቤት ትናንት አንድ የፕሬስ መግለጫ አውጥቶ በትኗል፡፡ መግለጫው በመግቢያው ላይ ባሉ ሁለት መሥመሮች እንዲህ ይላል፡- “የዴሞክራሲን እጦትና የሰብዓዊ መብቶችን መረገጥ ክእንግዲህ ለማስተናገድ የማይሹቱ ድምፆች ይበልጥ እያስተጋቡ የሄዱት በዐረቡ ዓለም ብቻ አይደለም፤ ይህ ሁኔታ በኢትዮጵያም እየተከሰተ ነው፡፡”

የቡንደስታጉ የኢኮኖሚ ትብብርና ልማት ኮሚቴ ከኢትዮጵያ ተቃዋሚ መሪዎችና የሰብዓዊ መብቶች ተሟጋቾች ጋር ተገናኝቶ መነጋገሩን የእንደራሴ ቲሎ ሆፐ ፅ/ቤት መግለጫ አመልክቶ ኮሚቴው ያነጋገራቸው የፖለቲካ ሰዎችና የመብቶች ተሟጋቾች አዲስ አበባ ውስጥ የተቃውሞ ሰልፍ ማካሄድ መከልከሉን፣ ሥርዓቱን የሚተቹ ጋዜጠኞች፣ ፖለቲከኞችና መንግሥታዊ ያልሆኑ ድርጅቶች ተጠሪዎች እንደሚታሠሩ ያስረዱ መሆኑን ገልጿል፡፡

የጀርመን መንግሥትም ከኢትዮጵያ ጋር ወደኢኮኖሚ ልማት ትብብር ድርድሮች ሲገባ እነዚህን አሣሣቢ ያሏቸውን የሰብዓዊ መብቶች ረገጣ ጉዳዮችን ግምት ውስጥ እንዲያስገባ የሚስተር ቲሎ ሆፐ ፅ/ቤት የፕሬስ መግለጫ ያሣስባል፡፡

እንደራሴ ቲሎ ሆፐ በጀርመን የተቃዋሚው አረንጓዴ ፓርቲ አባልም ናቸው፡፡

ዝርዝሩን ከዘገባው ያዳምጡ፡፡ 

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Share Button
Disclaimer: We are not responsible for any losses or damages that may have caused by using our services. EMF declines all responsibility for the contents of the materials stored by users. Each and every user is solely responsible for the posts.
Posted by on March 23, 2011. Filed under Uncategorized. You can follow any responses to this entry through the RSS 2.0. Responses are currently closed, but you can trackback from your own site.