የኢትዮጵያ ጥቁር አንበሶች ከናይጄርያ ጋር ሊጫወቱ ነው

(EMF) ለአለም ዋንጫ ማጣሪያ፤ ከአፍሪካ አምስት አገሮች ወደ ብራዚል ይሄዳሉ። ከዚያ በፊት ግን የመጨረሻው ማጣሪያ ላይ የደረሱት አስር ብሄራዊ ቡድኖች በሚደርሳቸው እጣ መሰረት፤ እስከ ኖቬምበር 19፣ 2013 ድረስ ሁሉንም ነገር አጠናቀው ያበቃሉ።  ትላንት ምሽት በወጣው እጣ መሰረት ኢትዮጵያ የደረሳት ከናይጄርያ ጋር ነው። በዚህም መሰረት በኦክቶበር አጋማሽ የመጀመሪያ ጨዋታቸውን አዲስ አበባ ላይ ያደርጋሉ፤ ከዚያም የመልስ ጨዋታቸውን በኖቬምበር አጋማሽ ናይጄሪያ ውስጥ ይደረጋል።

የኢትዮጵያ ቡድን ተጫዋቾችም ሆኑ አሰልጣኙ፤ “ከማን ጋር ቢደርሳችሁ ይሻላል?” የሚል ጥያቄ ተደጋግሞ ሲቀርብላቸው፤ እነሱም ደጋግመው የሚመልሱ መልስ ነበር። “እኛ አቅማችንን ለመለካት ትልቅ ከሚባሉት ጋር ቢደርሰን ደስ ይለናል” ሲሉ ነበር። በርግጥም እንደተመኙት ትልቅ ከተባሉት ከአንደኛው ጋር ነው የደረሳቸው። በፊፋ ሰነድ መሰረት ናይጄሪያ ከአለም 35ኛ፣ ከአፍሪካ ደግሞ በአምስተኛ ደረጃ የተቀመጠች አገር ናት። ተጫዋቾቻቸው በሙሉ ማለት ይቻላል፤ ፕሮፌሽናል ናቸው።

Ethiopia's progress to the final round of African World Cup qualifying is in doubt after Fifa opened a disciplinary probe  against them on Sunday

Ethiopia’s progress to the final round of African World Cup qualifying is in doubt after Fifa opened a disciplinary probe against them on Sunday

በሌላ በኩል ደግሞ የኢትዮጵያ ብሄራዊ ቡድን በአለም 93ኛ፤ ከአፍሪካ ደግሞ 25ኛ ነው። 5 ፕሮፌሽናል ተጫዋቾች ብቻ ነው ያሉት። በቅርቡ የወጣው መረጃ እንደሚያመለክተው ናይጄርያ – የኢትዮጵያን ቡድን ለማሸነፍ ከ40 ፐርሰንት በላይ እንደሆነ ተገልጿል። ይህ ደግሞ የናይጄርያ ደጋፊዎችን አስፈንድቋል። በሌላ በኩል ደግሞ በኢትዮጵያውያኑ በኩል ብዙም ስጋት አልታየም። ኢትዮጵያውያኑ እንደፈለጉት ሃያል ከሆነው ቡድን ጋር ሊገናኙ ነው።

ምንም እንኳን የናይጄርያ ደጋፊዎች ከኢትዮጵያ ጋር በእጣ በመደልደላቸው የተደሰቱ ይመስላል። ነገር ግን የኢትዮጵያውያኑን ጨዋታ የሚያውቁ የስፖርት ተንታኞች ከዚህ ቀደም “The Giant Killer” ወይም ትልቅ ገዳይ የሚል ስያሜ ይሰጧቸዋል። ይህን ያሉት ያለምክንያት አይደለም። የኢትዮጵያ ጥቁር አንበሶች ባልተጠበቀ ሁኔታ ትላልቅ የተባሉትን ቡድኖች ድንገት ሲያሸንፉ ስለሚታዩ ነው። ከዚህ ቀደም የአፍሪካ ዋንጫ የወሰዱትን ዛምቢያዎች እና ደቡብ አፍሪካን አሸንፈዋል። ከናይጄርያ ጋርም ተገናኝተው፤ ናይጄርያን ማሸነፋቸው ይታወሳል። እንዲያውም ባለፈው የአፍሪካ ዋንጫ የኢትዮጵያ እና የናይጄርያ ቡድን ተጫዋቾችች ደቡብ አፍሪካ ተገናኝተው በግል ሲጨዋወቱ፤ ናይጄርያዎቹን እንዲህ አሏቸው።

“ዛሬ እኛን ብታሸንፉ፤ የምትጋጠሙት ከአይቮሪኮስት ጋር ነው። አይቮሪኮትን ደግሞ እኛ እንጂ እናንተ ልታሸንፏቸው አትችሏቸውም።” ሲሏቸው ነበር። በርግጥም በደቡብ አፍሪካው ጨዋታ፤ ናይጄርያ ሁለት የፍጹም ቅጣት ምት አግኝታ፤ ሁለቱንም በማስቆጠር ኢትዮጵያን 2-0 ማሸነፏ ይታወሳል። ቀጥሎም ከምድቡ አልፈው እንደተባለው አይቮሪኮስትን አሸንፈው፤ ከዚያም ቡርኪና ፋሶን 1-0 ረትተው ዋንጫ ወሰዱ።

ላለፉት አራት ተከታታይ ጨዋታዎች ኢትዮጵያ ናይጄርያን አላሸነፈችም። ነገር ግን “ኳስ ክብ ናት” የሚለውን ብሂል በመከተል፤ የኢትዮጵያ ቡድንን ችሎታ አክለንበት፤ “ማን ያውቃል? ሊያሸንፉ ይችሉ  ይሆናል” ብለን ለማለፍ ወደድን።

ለማንኛውም በድልድሉ መሰረት ሁሉም አገሮች በየከተሞቻቸው ግጥሚያውን ያደርጋሉ። ደጋፊዎቻቸውም ይጨፍራሉ። በግብጽ ግን… ባለው የጸጥታ ችግር ምክንያት ጨዋታው በዝግ ስቴዲየም ያለ ደጋፊ እንደሚካሄድ ለማወቅ ተችሏል። በተደረገው የ እጣ ድልድል መሰረት እርስ በርስ የሚጫወቱት የአፍሪካ አገሮች የሚከተሉት ናቸው።

ኮት ዲቯር – ከሴኔጋል

ኢትዮጵያ ከናይጄርያ

ቱኒዝያ ከካሜሩን

ጋና ከግብፅ እንዲሁም አልጄሪያ ከቡርኪና ፋሶ ጋር ይጫወታሉ። አምስቱ አሸናፊዎችም በቀጥታ ለአለም ዋንጫ ወደ ብራዚል ያቀናሉ።

Share Button
Disclaimer: We are not responsible for any losses or damages that may have caused by using our services. EMF declines all responsibility for the contents of the materials stored by users. Each and every user is solely responsible for the posts.
Posted by on September 16, 2013. Filed under Uncategorized. You can follow any responses to this entry through the RSS 2.0. You can leave a response or trackback to this entry

Leave a Reply

Your email address will not be published. Required fields are marked *