የአንድነት ፓርቲ የሰላማዊ ሰልፉን ቀን እንዲቀይር ተጠየቀ (ደብዳቤውን ይዘናል)

(EMF) በመጪው እሁድ መጋቢት 28 ቀን፣ 2006 ዓ.ም. መነሻውን፤  ቀበና የሚገኘውን የአንድነት ፓርቲ ጽ/ቤት ያደረገው ሰላማዊ ሰልፍ፤ ተቀባይነት የሌለው መሆኑን የአዲስ አበባ አስተዳደር በደብዳቤ ማሳወቁ ይታወሳል። ሆኖም የአንድነት ፓርቲ በሰላማዊ ሰልፉ የሚቀጥልበት መሆኑን በመግለጹ የአዲስ አበባ አስተዳደር የከንቲባው ጽ/ቤት ስብስባ አድርጎ ነበር። ከብዙ ውይይት በኋላ የአዲስ አበባ አስተዳደር፤ ሰላማዊ ሰልፉን ተቀብሎ ነገር ግን ቀኑ እና “ሰላማዊ ሰልፈኛው የሚሄድበት መንገድ ይቀየር” የሚል ይዘት ያለው ደብዳቤ – ለአንድነት ፓርቲ ልኳል።

አዲስ አበባ መስተ ደብዳቤ

በዚህ ደብዳቤ… ቀደም ሲል “በባቡር ስራው ምክንያት” የሚለው ቀርቶ፤ “በህዳሴውን ግድብ ምክንያት”፤ የሚል ማሳሳቻ ሃሳብ ቀርቧል። ቀኑ እሁድ መሆኑ እና ት/ቤት እና ስራ ዝግ በመሆኑ መንገዱ ጭር የሚል መሆኑ ቢታወቅም የአዲስ አበባ አስተዳደር ግን… “ትምህርት ቤቶች እና የመንግስት መስሪያ ቤቶች በመንገዱ ላይ ስላሉ” የሚል ሌላ ምክንያት በማቅረብ የሰላማዊ ሰልፉ ቀን እንዲራዘም እና ቦታው እንዲቀየር በደብዳቤ ጠይቋል። በአሁኑ  ሰአት የአንድነት ፓርቲ አባላት በጉዳዩ ላይ ምላሽ ለመስጠት ውይይት ላይ ናቸው። አዲስ ነገር ካለ ይዘን እንቀርባለን።

Share Button
Disclaimer: We are not responsible for any losses or damages that may have caused by using our services. EMF declines all responsibility for the contents of the materials stored by users. Each and every user is solely responsible for the posts.
Posted by on April 4, 2014. Filed under Uncategorized. You can follow any responses to this entry through the RSS 2.0. You can leave a response or trackback to this entry

4 Responses to የአንድነት ፓርቲ የሰላማዊ ሰልፉን ቀን እንዲቀይር ተጠየቀ (ደብዳቤውን ይዘናል)

  1. andnet berhane Reply

    April 4, 2014 at 10:06 AM

    በታቀደውና በተባለበት ቀንና ሰዓት ያላዳች ለውጥ አንድነት በጽናት ያለመውንና ያዘጋጀውን ሰላማዊና ፍትሐዊ ሰላማዊ ሰልፉን በቀኑ ማድረግ አለበት ነገርግን የወያነን መላ ቀኑ የጀግኖች አባቶቻችን በጠላቶቻቸው ያደርጉትን ድል የሚያወስዝ በመሆኑ ወራሪነቱንና ሕገአባነቱን የሚጋለጥበት በመሆኑ በፍጹም ፍንክች ሳትሉ የኢትዮጵያን ሕዝቦች አነሳሥታችሁ ቀኑም መቀየር የሕዝቡን አመነእታና ተነሳሽነት ፍላጎትና ቆራጥነት ማኮላሸት ስለሚሆን የሚከፈላውን መስዋእትነት ዋጋ ያለው በመሆኑ በቆማችሁበትና በተዘጋጃችሁበት ቀን ቦታም ሆነ ሰዓትና ቀን ሳትቀሩ በእለቱ ማድረግ ታሪካዊ ግዴታ በመሆኑ ድርድር አያስፈልግም ምክንያቱ ዜጎች በሃገራቸው የመጠየቅ የመሰለፍ ኃሳባቸው በጽሑፍ በስእል ሕገመንግስታዊ መብታቸው በመሆኑ ተሰለፉ አትሰለፉ ለማለት ገዢው ሕጋዊ መብት የለውም ማሳወቅ ግን ለሰልፉና ለተሰላፊዎቹ ጥበቃ ስለሚያስፈልግ ብቻ ነው:
    ኢትዮጵያንና ኢትዮጵያውያንን የድል አክሊል ያላሳቸው
    የወግን ጠላቶችን ውድቀትና ሽንፈት
    አንድነት በተነሳበት አላማ ወደፊት ይራመድ
    ድል የሕዝቦች ነው

  2. andnet berhane Reply

    April 4, 2014 at 10:13 AM

    በታቀደውና በተባለበት ቀንና ሰዓት ያላዳች ለውጥ አንድነት በጽናት ያለመውንና ያዘጋጀውን ሰላማዊና ፍትሐዊ ሰላማዊ ሰልፉን በቀኑ ማድረግ አለበት ነገርግን የወያነን መላ ቀኑ የጀግኖች አባቶቻችን በጠላቶቻቸው ያደርጉትን ድል የሚያወሳ በመሆኑ ወራሪነቱንና ሕገአልባነቱን የሚጋለጥበት በመሆኑ በፍጹም ፍንክች ሳትሉ የኢትዮጵያን ሕዝቦች አነሳሥታችሁ ቀኑም መቀየር የሕዝቡን አመኔታና ተነሳሽነት ፍላጎትና ቆራጥነት ማኮላሸት ስለሚሆን የሚከፈላውን መስዋእትነት ዋጋ ያለው በመሆኑ በቆማችሁበትና በተዘጋጃችሁበት ቀን ቦታም ሆነ ሰዓትና ቀን ሳትቀሩ በእለቱ ማድረግ ታሪካዊ ግዴታ በመሆኑ ድርድር አያስፈልግም ምክንያቱ ዜጎች በሃገራቸው የመጠየቅ የመሰለፍ ኃሳባቸው በጽሑፍ በስእል ሕገመንግስታዊ መብታቸው በመሆኑ ተሰለፉ አትሰለፉ ለማለት ገዢው ሕጋዊ መብት የለውም ማሳወቅ ግን ለሰልፉና ለተሰላፊዎቹ ጥበቃ ስለሚያስፈልግ ብቻ ነው:
    ኢትዮጵያንና ኢትዮጵያውያንን የድል አክሊል ያላብሳቸው
    የወገን ጠላቶችን ውድቀትና ሽንፈት
    አንድነት በተነሳበት አላማ ወደፊት ይራመድ
    ድል የሕዝቦች ነው

  3. ተዘራ Reply

    April 5, 2014 at 2:04 PM

    የስልፍን ቀን እንዳትቀይሩ

  4. በለው! Reply

    April 5, 2014 at 2:59 PM

    1. ማንኛውም ሰላማዊ ሰልፍ ወይም ሕዝባዊ የፖለቲካ ስብሰባ ከዚህ በታች በተዘረዘሩት ቦታዎች 100 ሜትር ርቀት ውስጥ ሊደረግ አይችልም፡-
    ሀ. በኤምባሲዎችና ዓለም አቀፍ ድርጅቶች የሥራ ቦታና የመኖሪያ ቦታ፣
    ***ከቀበና አሰከ አራት ኪሎ ምንም ኤምባሲ የለም ግን አምባሲ ዓይነት ኑሮ የሚኖሩ ባለሥልጣናትና ቤተሰቦቻቸው ምንአልባት!
    ለ. በቤተክርስቲያን፣ በመስጊድና በመሳሰሉት የጸሎት ቤቶች እንዲሁም በሆስፒታልና በመካነ መቃብር ዙሪያ
    ****ከቀበና ወንዝ እስከ “ቤተ ኅብረት አማራር ቢሮ” ድረስ ቤተክርስቲያን መስጊድ ሆስፒታል የለም ምንአልባት ሥላሴ የተቀበረውን ራዕይ እንዳይናወጥ ይሆን?
    ሐ. በገበያ ቀን ሰላማዊ ሰልፎችን ወይንም የሕዝብ ስብሰባዎችን ለማስተናገድ አስቸጋሪ በሚሆኑ የገበያ ቦታዎች
    ***በቀበናና አራት ኪሎ መካከል ገበያ የለም ከቀበና ጀርባ ሾላ ገበያ ከአራት ኪሎ ወደፊት መርካቶ አለ ግን ልማታዊ የነጋዴዎችን መኖሪያ ቤት እንዳይረብሹ ማለት ይሆን? አራት ኪሎ ቅዳሜ ገበያ…ሀሙስ ገበያ ተባለ እንዴ?
    2. ማንኛውም ሰላማዊ ሰልፍ ወይም ሕዝባዊ የፖለቲካ ስብሰባ በጦር ኃይሎች በጥበቃና የሕዝብ ሰላምና ደህንነት በሚቆጣጠሩ የመንግስት የሥራ ክፍሎች አካባቢ 500 ሜትር ርቀት ውስጥ ሊደረግ አይችልም፡፡
    ***እንግዲህ ለታጋይ ባለሥልጣናት(ሕዝቦች) ቀብር… ዕርቀት… ክልል… ቀንና…ሰዓት… ሳይወሰንለት ሀዘኑ መራርና እረጅም እንዲሆን ከፍተኛ ትኩረት ተሰጥቶት በባርኔጣ፣ በካኒቴራ፣ በሻርብ፣ ተጠፍሮ፣ ሲረገድ… ደረት ሲደቃ… ንፍሮ ሲወቃ… ለመጨፈር ለምርጫና ለለቅሶ ድምፁና ቁጥሩ የሚፈለግ ብሔር ብሄረሰብ…
    የእሪታው ቀን….. የእልልታ ይሁን!******************
    ——————–_____________________——————–
    …”ትራፊክ ፍሰት፣የተለያዩ ትምህርት ቤቶች፣ትላልቅ የመንግሰት ተቋማት የሚገኙባቸው በመሆኑና በተመሳሳይ ቀን ሌሎች የህዳሴ ግድብ ፕሮግራሞች ስለአለ እውቅና አልተሰጠውም! ስለዚህ ሌላ ተመራጭ መስመርና ቦታ በመጥቀስ የምታካሂዱበትን ሌላ ቀን ጭምር እንድታሳውቁን እንገልፃለን።” ****(አበጀሽ አማርኛ! )ይህ ደብዳቤ ከፍተኛ የሰዋሰው ስሕተት አለው። ብሄራዊ እግር ኳስ ብቻ ብሔርተኛ ታማኝ ካድሬና ባለሀብት ሳይሆን የሚያግባባን ብሔራዊ ዓላማና ቋንቋ ግድ ይላል!*************

    ***መንግስት የተቃዋሚ ክልልና ድብቅ ሥፍራ ብሎ ያወጀው ጃንሜዳ ይመስለላል እንግዲህ በአንድ የፖለቲካ ጥላ ሥር ያልታቀፉ ጥንት ያልነበሩ በእኛ ዲሞክራሲ ያገኙ በእኛና ለእኛ ብቻ የሚኖሩ ያለእኛ የሚጠፉ አልቅሰው ለምነው ይፈቀድላቸዋል!።

    ***ሕዝቡ ሌት ወጥቶ መጓጓዣ አያገኝ…የሰልፍ እለት የትኛው መኪናና ሕዝብ ነው የሚፈሰው?ይህ ሰልፍ አቅጣጫውን ቢቀይር (ቢያዞር..ኮከበ ፅብሐ ት/ቤት…የራሺያ ፣የኬንያ፣የቤልጂግ፣ እንግሊዝ፣ ሁጋንዳ… ኤምባሲዎችን..አልፎ ጭራሽ ትዝብት ውስጥ አይጥልምን!? ደግሞስ ከራሱ ኢህአዴግ በበለጠ በሀገሪቱ አሉ ኤምባሲዎች ሰላማዊ ሰልፉን ኣላማና ሀገሪቱን የተለጠጠ ኢኮኖሚ ድቅት አይረዱምን!? ሰውዬው ግመል ሰርቆ እሱ አጎነበሰ አሉ…ልክ እንደ ኢህአዴግ መሆኑ ነው።…”ሌሎች የህዳሴ ግድብ ፕሮግራም ስለአለ” ግድቡ ቤንሻጉል መሆኑ ቀረ!? ቀበና ወንዝ ላይ ሆነ እንዴ!? ወይንስ አባይ መገደቡን ለቀበና ወንዝ ሊያረዱ ቅዳሜ ጠዋት ሽማግሌ ይላካል!? አባይማ ዓለም አውቆታል ፴ ከመቶ ተሰርቷል ግብፅም ቦንድ ልግዛ፣የወደፊት የግድቡን ውጤት ተጠቃሚነቴን ማረጋጋጫ የምስክር ወረቀት ይሰጠኝ ሟች ተጠቅላይ ሚኒስትር በገቡልን ራዕይ ‘ሰጥቶ መቀበል’ መርህና ራዕያቸውን እናስፈፅም!” ሲሉ ድሮ በሚስጠር የተቆሉበትን ዛሬ በገሃድ አውጥተው ተናግረዋል።
    **አሁን የህግ፣ የምህድስናና የውጭ ግንኑነት ዲፕሎማት ባለሙያዎች ከሁሉም ጎራ የሚያስፈልገን የሰላምና አንድነት ማናከር የህዝብ ቅሬታን በቅንነት ተቀብሎ፣ ንቀትን፣ ጥላቻና ዘረኝነትን አስወግዶ…ጭፈራን ቀነስ ብልሃትና ሀገራዊ ምክርን ማጎልበት፣ ክልላዊ ጽንፈኝነትን ማጥፋት የግድ ይላል። ባይፈፀምም ማዳማጥ ብልሃት ነው። ሕዝብ ይናገር! ይሰብሰብ! ይደመጥ!በለው!!!

Leave a Reply

Your email address will not be published. Required fields are marked *