የአንድነት ብሔራዊ ምክር ቤት አባል ተከሰሱ

Abiyou BelewADDIS ABABA (EMF) – Several members of the Unity for Democracy and Justice (UDJ) / Andinet party are being forced into exile to run off from the new wave of harassments, sources said. Our source said that the regime’s security forces are searching for some youth members of the party, among which three are members of the supreme council. The regime has also filed criminal charges against dozens of UDJ members to re-arrest them and silence the opposition. UDJ support in USA has sent the Amharic report below. It is a case of Abiyou Belew, members of the supreme council of the UDJ party. Others in the charge inclued Mr. Ashenafi Hassabu, Mr. Solomon Ashenafi and Mr. Solomon B.

የአንድነት ለፍትህና ለዲሞክራሲ ፓርቲ የብሔራዊ ምክር ቤት አባል የሆኑት አቶ አብዩ በለው ተከሰሱ፡፡ 

የአነድነት ፓርቲ የሥራ እንቅስቃሴና ጥንካሬ ያሰጋው ገዥው ፓርቲ ወያኔ በአባላቱ ላይ የሚያካሂደውን ወከባ እንደገፋበት ነው፡፡ ፓርቲው /ቤት በከፈተባቸው ክልልሎች ባጠቃላይ አባላቱን በማዋከብና በማሰር ላይ ሲገኝ፤ በቅርቡ ደግሞ በማዕከል የብሔራዊ ምክር ቤት አባል የሆኑትን አቶ አብዩ በለውን፤ህገመነግስቱንና ህጋዊ ሥርዓቱን በሃይል ለመናድበሚል የፈጠራ ወንጀል ለሰኞ መጋቢት 21 ቀን ፍርድ ቤት እንዲቀርቡ መጥሪያ ደርሷቸዋል፡፡ 

ከአዲስ አበባ ያሉ ምንጮቻችን እንደገለጡልን ከሆነ፤ወያኔ አቶ አብዩን፤ የካቲት 20 2001 ከመኖሪያ ቤታቸው አፍኖ በመውሰድ ለአራት ቀናት ባልታወቀ ሥፍራ በማሰር፤ አንድነት ፓርቲን ለቀው ኢህአዴግን እንዲያገለግሉ ሲያግባባና ሲያስፈራራ ነበር፡፡ አቶ አብዩ በዚህ እንግልት አለመበገራቸውን ሲያውቅ፤አሳይሃለሁበሚል ዛቻ ለቋቸዋል፡፡ በተለቀቁ 15ኛው ቀን፤ ለሁለት ዓመታት ያህል ተዘግቶ የነበረ የክስ ፋይል አገላብጦ ድጋሚ በመክፈት፤ለሰኞ መጋቢት 21 ቀን/ ማርች 28 2009/ ሁለተኛው ወንጀል ችሎት ከፍተኛው ፍርድ ቤት እንዲቀርቡ መጥሪያ ሰቷቸዋል፡፡ አንድ አንድ የህግ ባለሙያዎች እንዳብራሩት ከሆነ፤ ክሱ 10 ዓመት እስከ ዕድሜ ይፍታህ ድረስ ሊያስቀጣ የሚችል ነው፡፡ 

ክሱ ተመስርቶ የነበረው በጥቅምት 24 1999 የቅንጅት አመራር አባላት በቃሊቲ በነበሩበት ወቅት ነው፡፡ በወቅቱ፤ አቶ አብዩን የደህነነት አባላት 10 ቀናት ያህል በጨለማ ቤት እስሯቸው የነበረ ሲሆን፤ አቃቤ ህግ፤ማስረጃ ሊያቀርብ ባለመቻሉ፤ በአንድ ሺህ ብር ዋስ ተለቀው ነበር፡፡ የክሱ ድጋሚ መነሳት፤ፖለቲካዊ ይዘት ያለው መሆኑን ታዛቢዎች ይተነትናሉ፡፡ በተለይም አቶ አብዩ ታፍነው የተወሰዱት፤ ብሔራዊ ምክር ቤቱ፤ወሳኝ የሆነ ስብሰባ ሊያካሂድ አንድ ቀን ሲቀረው መሆኑና፤ከወይዘሪት ብርቱካን መታሰር ጋር በተያያዘ፤ፓርቲው እንቅስቃሴ እያደረገ ባለበት ወቅት መሆኑ፤ጥርጣሬውን የጎላ ያደርገዋል፡፡ 

አቶ አብዩ በለው፤ 32 ዓመት ወጣት ሲሆኑ፤ በትምህርታቸው በጂኦ ፊዚክስ የማስተርስ ዲግሪ ከአዲስ አበባ ዩኒቨርስቲ 1998 አግኝተዋል፡፡ በሙያቸውም፤ የማዕድንና ኢነርጂ ከፍተኛ ኤክስፐርት ሆነው በሚኒስትር መስርያቤት ውስጥ እያገለገሉ ይገኛሉ፡፡ ከዚሁ ሥራቸው ጋር በተያያዘም በአሁኑ ወቅት ስዊዲሽ ጂኦሎጂካል እና የደቡብ ክልል መንግስትን በአመካሪነት እያገለገሉ ነው፡፡ 

በፖለቲካዊ ተሳትፎዋቸውም፤ በቀድሞው ቅንጅት በአሁኑ ደግሞ አንድነት ፓርቲ ውስጥ ከፍተኛ ተሳትፎ አላቸው፡፡ በተለይም በአንድነት ፓርቲ ውስጥ የወጣቱ ተሳትፎ በቁጥርም በጥራትም ከፍተኛ ደረጃ ላይ እንዲደርስ እየጣሩ ያሉ ናቸው፡፡ የሳቸው መከሰስ፤ የወጣቱ ተሳትፎ ላይ ያነጣጠረ ነው የሚሉ ታዛቢዎች አሉ፡፡  

የአውደ ኢትዮጵያ አዲስ አበባ ዘጋቢያችን፤አቶ አብዩን አነጋግሮ እንደተረዳው ግለሰቡ ወደ ውጭ ሀገር እንዲሰደዱ በመንግስት የደህንነት አባላት በቀጥታና በተዘዋዋሪ ጫና ይደረግባቸው ነበር፡፡ በአቶ አብዩ እምነት፤ የመጥርያ ወረቀቱ 10 ቀን ጊዜ የተሰጠው፤ በፍርሃት ከሀገር እንዲሰደዱ ለማድረግ ነው፡፡ ሆኖም ግን፤ አቶ አብዩ እንዳሉት፤ ምንም የሰሩት ወንጀል ባለመኖሩና የቅንጅት አመራሮች በተለቀቁበት ወቅት፤ በተመሳሳይ ይዘት የተከሰሱ ሁሉ ፋይላቸው እንደሚዘጋ በመገለጹ፤ መንግስት ምንም የክስ መሰረት ስለሌለው፤ ወደ ፍርድ ቤት መሄዱን መርጠዋል፡፡ በይበልጥም፤ በፓርቲው ውስጥ ባላቸው የጎላ ተሳትፎ፤ ያንን ሥራ ትተው ስደትን እንደማይመርጡ፤ በፓርቲው ውስጥም ላሉ ወጣት ታጋዮች ተስፋና አራአያ መሆን እንደሚፈልጉ፤ / ብርቱካንም ብቻዋን እንዳልሆነችና የፈተና ጊዜ አጋር እንዳላት እንድታውቅ እንደሚፈልጉ ገልጸዋል፡፡ 

አውደ ኢትዮጵያ የአቶ አብዩን የፍርድ ቤት ውሎና ተከታታይ ሂደቶችን እንደምትዘግብ ከወዲሁ እያሳወቀች፤ ለአቶ አብዩ በለው፤ ብርታትን ጥንካሬንና ፍትህን ትመኛለች፡፡ 
 

Share Button
Disclaimer: We are not responsible for any losses or damages that may have caused by using our services. EMF declines all responsibility for the contents of the materials stored by users. Each and every user is solely responsible for the posts.
Posted by on March 29, 2009. Filed under Uncategorized. You can follow any responses to this entry through the RSS 2.0. Responses are currently closed, but you can trackback from your own site.