የአቶ አንዱዓለም አራጌ፣ የአቶ እስክንድር ነጋና የሌሎች ተከሳሾች የዛሬ የፍርድ ቤት ውሎ

Andualem's arrest... September 13, 2011

Andualem's arrest... September 14, 2011

“አንድ ለመጀመሪያና ለመጨረሻ ጊዜ የምናገረው ሃሳብ አለኝ፡፡ እየተፈፀመ ያለው ተግባር የተቃዋሚ ፖለቲካውን ለማፈን የተወሰደ እርምጃ ነው፡፡ ከእንግዲህ ወዲያ ፍርድ ቤቱ የፈለገውን እርምጃ፤ ሞትም ቢሆን መውሰድ ይችላል፡፡ ሌላ የምሰጠው አስተያየት የለኝም” አቶ አንዱዓለም አራጌ

“በ2004 ዓ.ም. በሀገሪቱ ውስጥ የሽብር ተግባር ለመፈፀም በቡድን ተደራጅተው ሲንቀሳቀሱ ማስረጃ አግኝቼባቸዋለው” በማለት በትናንትናው እለት በቁጥጥር ስር ያዋላቸው የፓር

Eskinder_Andualem_justice

Eskinder & Andualem - court report

ቲ አመራሮችና ጋዜጠኛ አራዳ የፌደራል መ/ደ ፍርድ ቤት ተዘዋዋሪ ችሎት ቀርበዋል፡፡ (Read the news in PDF)

በቅድምያ በችሎቱ የቀረበው እውቁ ጋዜጠኛ እስክንድር ነጋ ነበር፡፡ አጃቢ ፖሊሶች ማንም ሰው ወደ እስረኛው ሆኖ ወደ ችሎቱ እንዳይቀርብ በመከልከላቸው የችሎቱን ሂደት ማንም አልተከታተለውም፡፡ ሆኖም ጋዜጠኞች ዳኛው ጋር በመቅረብ መከልከላችንን አስረድተው ወደ ችሎቱ ለመግባት ለማስፈቀድ ችለዋል፡፡ ቀደም ሲል የቀረበው እስክንድር ነጋ ፖሊሲ የጠየቀውን የ28 ቀን ምርመራ ጊዜ ተጠይቆበት ለጥቅምት 02 /2004 ዓ.ም. በ8፡00 ሰዓት ተቀጥረዋል፡፡

በመቀጠል አቶ ዘመኑ ሞላ የቀረቡ ሲሆን ፍርድ ቤቱ የተከሰሱበትን ጉዳይ ያውቁ እንደሆነ ጠይቆዋቸው፣ ፖሊስ እንደ ነገረኝ በሽብርተኝነት ተጠርጥረህ ነው ብሎኛል፣ እኔ ስለ ሽብር ተግባር የማውቀው ነገር የለም፡፡ በቅርቡ የአንድ ፖለቲካ ፓርቲ አመራር ነኝ፡፡ ፓርቲያችን መስከረም 21 ቀን 2004 ዓ.ም. ሠላማዊ ሰልፍ ለማድረግ ጠይቀን ነበር፡፡ ከዚህ ውጭ የማውቀው ነገር የለም ብለዋል፡፡

ቀጥሎ የአንድነት ለፍትህና ለዴሞክራሲ ፓርቲ ብሄራዊ ምክር ቤት አባላት የሆኑት አቶ አሳምነው እና አቶ ናትናሄል መኮንን በቅድም ተከተላቸው በዳኛው በአቶ ሙሉ ክንፈ ፊት ቀርበው፣ በሽብር ተግባር ተጠርጥረሃል ከመባል ውጭ የፈፀምነው ወንጀል የለም ብለው መልሰዋል፡፡ ፍርድ ቤቱ የ28 ቀን ጊዜ ቀጠሮ በመስጠት ለጥቅምት 02 /2004 በ8፡00 ሰዓት ቀጥሮዋቸዋል፡፡

Andualem's arrest... September 14, 2011

Andualem's arrest... September 14, 2011

በመጨረሻም የቀረበው የአንድነት ለፍትህና ለዴሞክራሲ ፓርቲ ም/ሊቀመንበርና የህዝብ ግንኙነት ቋሚ ኮሚቴ ሰብሳቢ እንዲሁም የመድረክ ስራ አስፈፃሚ አባል የሆኑት አቶ አንዱዓለም አራጌ ናቸው፡፡ ፍርድ ቤቱ በምን እንደተያዙ ጠይቋዋቸው ፖሊሰ በሽብር ተግባር ነው ብሎኛል ሲሉ መልሰዋል፡፡ ፖሊሲ የ28 ቀን ጊዜ ቀጠሮ ጠይቆቦታል፣ የሚሰጡት ሃሳብ አሎት ተብሎ ሲጠየቁ አቶ አንዱዓለም  “አንድ ለመጀመሪያና ለመጨረሻ ጊዜ የምናገረው ሃሳብ አለኝ፡፡ እየተፈፀመ ያለው ተግባር የተቃዋሞ ፖለቲካውን ለማፈን የተወሰደ እርምጃ ነው፡፡ ከእንግዲ ወዲያ ፍርድ ቤቱ የፈለገውን እርምጃ ሞትም ቢሆን መውሰድ ይችላል፡፡ ሌላ የምሰጠው አስተያየት የለኝም” ሲሉ መልሰዋል፡፡ በመቀጠልም ዳኛው የምጠይቆት የእርሶን መብት ለማስክበር ነው፡፡ በሚናገሩት ነገር እርምጃ መውሰድ ይችላል፡፡ ፍ/ቤቱ ሊያከብሩ ይገባል ሲሉ ዳኛው አቶ ሙሉ ክንፈ ተናግረዋል፡፡ ፍ/ቤት በነጻ የዳኝነት ስርዓት የሚያከናውን ነው፡፡ በፍርድ ቤቱ አያምኑም? ሲሉ የተናገሩ ሲሆን አቶ አንዱዓለም በመጨረሻም “እኔ ነጻ ነው ብዬ አላስብም” ብለዋል፡፡

የአንድነት ፓርቲ ሕዝብ ግንኙነት ክፍል

መስከረም 04/ 2004

Share Button
Disclaimer: We are not responsible for any losses or damages that may have caused by using our services. EMF declines all responsibility for the contents of the materials stored by users. Each and every user is solely responsible for the posts.
Posted by on September 15, 2011. Filed under COMMENTARY,FEATURED,NEWS. You can follow any responses to this entry through the RSS 2.0. You can leave a response or trackback to this entry

Leave a Reply

Your email address will not be published. Required fields are marked *