የቴዲ አፍሮን ሙዚቃ ለሞባይል ጥሪ ድምፅ 100 ሺሕ ተጠቃሚዎች ገዙት

ሪፖርተር | በመጪው ቅዳሜ የሚለቀቀው የቴዎድሮስ ካሳሁን (ቴዲ አፍሮ) “ጥቁር ሰው” አልበም ማስተዋወቂያ የሆነው ‘ኦ አፍሪካ’ የተባለው የሞባይል ጥሪ ድምፅ (Ringtone) 100 ሺሕ ኮፒ ለተጠቃሚዎች ተሸጠ፡፡

 [vsw id=”ftPvm0GBNtA” source=”youtube” width=”525″ height=”444″ autoplay=”no”]

በአዲካ ኮምዩኒኬሽንና ኢቨንትስ፣ በቤሌማ ኢንተርቴመንትና በ4 አፍሪ ትብብር ለአንድ ሚሊዮን የሞባይል ተጠቃሚዎች የአጭር የስልክ መልዕክት ተልኮ፣ እስካሁን የጥሪ ድምፁን 100 ሺሕ ሰዎች መግዛታቸውን ምንጮች ለሪፖርተር ገልጸዋል፡፡ ምንጮች አክለው እንደገለጹትም፣ በሚመጡት ቀናት ተጨማሪ ስድስት የቴዲ ዘፈኖች ለሞባይል የስልክ ጥሪ እንዲያገለግሉ ለ11 ሚሊዮን ተጠቃሚዎች በአጭር የስልክ መልዕክት ጥሪ ይተላለፋሉ፡፡

‘ኦ አፍሪካ’ የሚለው ዘፈን በአቡጊዳ ባንድ መቀናበሩ ታውቋል፡፡ በሞባይል ስልኩ ጥሪውን ለመጫን የሚፈልግ ማንም ሰው በአጭር የስልክ መልዕክቱ ጥሪ ሲቀርብለት ከተስማማ ሁለት ብር ይቆረጥበታል፡፡ ይህ የስልክ መጥርያ ማስታወቂያ (Ringtone Promotion) አዲስ የሆነ የማስተዋወቂያ ዘዴ መሆኑን የገለጸው አዲካ፣ ሌሎች ዘፈኖቹን በዚህ መንገድ እንደሚያስተዋውቅ ገልጿል፡፡ የቴዲ አፍሮ ዘፈን በዚህ የማስተዋወቅ ዘዴ ለሚሊዮኖች ተልኮ በሺዎች የሚቆጠሩት ሲገዙት ይህ ለመጀመርያ ጊዜ እንደሆነ ታውቋል፡፡

“በጥቀር ሰው” አልበም ውስጥ አሥራ አንድ ዘፈኖች የተካተቱ ሲሆን፣ ዘጠኝ ዘፈኖችን ያቀናበረው ወጣቱ ሙዚቀኛ ሚካኤል ኃይሉ ነው፡፡ የአልበሙ መጠርያ የሆነውን “ጥቁር ሰው” ያቀናበረው ታዋቂው አቀናባሪ አበጋዝ ክብረ ወርቅ ሺዎታ ነው፡፡

የአልበሙን ሙሉ ግጥምና ዜማ የደረሰው ራሱ ቴዲ አፍሮ ሲሆን፣ ለየት ባለ ሁኔታም የታዋቂው ገጣሚና የቴአትር ጸሐፊ የሟቹ ሎሬት ፀጋዬ ገብረ መድኅንም ድምፅ ተካቶበታል፡፡ “ኃይል” በሚለው ዘፈን ላይ ሎሬት ፀጋዬ ገብረ መድኅን “ፈራን” የሚል መጠርያ ያለውን ግጥሙን በማንበብ ተሳትፎበታል፡፡

አልበሙም ከፊታችን ቅዳሜ ጀምሮ ለአዲስ አበባና ለክልል አድማጮች በኤሌክትራ ሙዚቃ ቤትና በአምባሰል ሙዚቃ ቤት አማካይነት የሚሰራጭ ሲሆን፣ ለሰሜን ኢትዮጵያ አድማጮች ደግሞ በጣና ኢንተርቴይመንት በኩል ይሰራጫል፡፡

ይህን አልበም ፕሮዲዩስ ያደረገው፣ እያሰራጨና እያስተዋወቀ ያለው አዲካ ኮሙኒኬሽንና ኢቨንትስ ከቤሌማ ፕሮዳክሽን ጋር በመተባበር ሲሆን፣ ብቸኛ ስፖንሰሩም ሜታ ቢራ ነው፡፡

ቴዲ አፍሮ “ጥቁር ሰው” ለተባለው አልበሙ 4.6 ሚሊዮን ብር እንደተከፈለው ከውስጥ አዋቂ ምንጮች ቢገለጽም፣ አዲካ ግን የገንዘቡን መጠን ለመግለጽ ፈቃደኛ አልሆነም፡፡ ይህ ክፍያ በተለያዩ አካላት የተለያዩ መጠኖች ቢገለጽም፣ ትክክለኛውን ክፍያ ለማወቅ ፈጽሞ አልተቻለም፡፡

Share Button
Disclaimer: We are not responsible for any losses or damages that may have caused by using our services. EMF declines all responsibility for the contents of the materials stored by users. Each and every user is solely responsible for the posts.
Posted by on April 13, 2012. Filed under Uncategorized. You can follow any responses to this entry through the RSS 2.0. You can leave a response or trackback to this entry

Leave a Reply

Your email address will not be published. Required fields are marked *