ወንጀለኛው የመለስ አጃቢ (ኢየሩሳሌም አርአያ)

ከኢትዮ ሚዲያ የምርመራ ዝግጅት ክፍል ጋር በመተባበር ሕወሐት/ኢሕአዴግንየሚመለከቱ መረጃዎች በተከታታይ ይቀርባሉ። የዛሬው ጥንቅር እነሆ፦

አቶ መለስ ዜናዊ በሚደረግላቸው  የተጠናከረ ልዩ  የጥበቃ እንቅስቃሴ ውስጥ አዘውትሮ የማይጠፋ ሹምአለ። መለስ ከቤተ መንግስት ሲወጡም ሆነ ሲገቡ ከሚንፈላሰሱባቸው አሜሪካ ስሪት ዘመናዊ ካዲላኮች ፊት ለፊት ነጭ የፖሊስ ሞተርሳይክል መንገዱን እየመራ ይጏዛል። ብዛት ያላቸው ሞተረኞች  ከጎንና  ጎን  ሆነው  ይከተላሉ።

መልኩ ጥቁር፣ፀጉሩ ከርዳዳ፣ጥቁር መነፅር የሚያዘወትር፣ፊቱየማይፈታና አስፈሪ ነው።  ሲናገር ቁጡና ድምፀ ጎርናና ነው። ሻምበል  ታዬ  ኡርጂ  ይባላል።  በደርግ  ዘመን  መቶአለቃ  የትራፊክ  ፖሊስ  ሞተረኞችዋና አዛዥ፣ በመሆን በሁለቱ ስርአት ሁለቱንም  መሪዎች እያገለገለይገኛል።

ፈረንሳይ ለጋሲዮን ተብሎ በሚጠራው  አካባቢ ከፍተኛ 12 ሁለተኛ ደረጃ ት/ቤት ጀርባ የገነባው መኖሪያ ቤት ይገኛል።  ሰኔ 1990 ዓ .ም ሻምበል ታዬ እስር ቤት እንዲገባ ተደረገ። ከታላቁ ደራሲ በአሉ ግርማ ግድያ ጋ በተያያዘ «እጁ አለበት» ተብሎነበር የታሰረው። የደርግ ባለስልጣናትን ጉዳይ ይመለከት በነበረው የስድስት ኪሎ ጠ\ፍርድ ቤት እንዲቀርብ ተደረገ።

«ቀኑና አመቱን በውል አላስታውሰውም» ሲል ለችሎቱ ንግግርየጀመረው ተከሳሹ፣ የቃሉ አጠቃላይ ጭብጥ ሲጨመቅ ይህን ይመስል ነበር።

“ በምሽት ለአስቸኳይ ስራ ትፈለጋለሕ ተብሎ ከቤተመንግስትሹማምንት መልእክት ይደርሰዋል። መንግስቱ ሃ/ማሪያምን ለማጀብ በሚገለገልባት ላንድሮቨር የፖሊስ መኪና ፈጥኖ በግቢው ይደርሳል።ዝግጁ ሆነው ይጠብቁ  የነብሩ የታጠቁ ወታደሮች ፊታቸውን እንደተሸፈኑበታዬ መኪና ይጫናሉ። ራዲዮመገናኛ የጨበጠ አለቃቸው ወደ ጊዮርጊስ አቅጣጫ እንዲጔዝ ይነግረዋል።

በእሳት አደጋ ቢሮ ዳገቱን ወጥተው ወደ ቀኝ የስድስት ኪሎመንገድ አቅጣጫ ከታጠፉ በኋላ በአካባቢው ካሉ ግሮሰሪዎች በአንዱ ትይዩ ቆሙ። ወታደሮቹ በፍጥነት ወደ መጠጥ ቤቱ አምርተው ሲያበቁ፣አፍታም ሳይቆዩ አንድ ግለሰብ የፊጥኝ በካቴና አስረው ፣ እየጎሸሙና እየገፈታተሩ መኪናው ላይ ጫኑት። በፒያሳ፣ቸርችል ጎዳና እያቆራረጡወደ ጎተራ አቅጣጫ በፍጥነት ከነፉ። ዮሴፍ ቤ/ክርስቲያንን እንዳለፉ ጥግ ይዘው ቆሙ። ጨለማ ውስጥ ቆማ ትጠብቅ ወደነበረችው መኪናወታደሮቹ እስረኛውን ይዘው ገቡና ወደ ቃሊቲ አቅጣጫ ከነፉ።”

«የወታደሮቹ አለቃ ተመለስ ብሎ ባዘዘኝ መሰረት ያንኑ ፈፀምኩ»ያለው ተከሳሹ – ታፍኖ የተወሰደው  ግለሰብ በዓሉ ግርማ መሆኑን ያወቀውካለፈ በኋላ መሆኑን ገለፀ። ለአቃቤ ሕግ መስቀለኛ ጥያቄ ያልተበገረው ተከሳሽ የአፋኞቹን ማለትም የገዳዮቹን ማንነት ለይቶ እንደማያውቅና ፊታቸውን እንደተሸፈኑ በመግለፅ፣ ከላይ የተቀመጠውንብቻ እንደሚያውቅ ተናገረ።

አንድ አመት ወህኒ በእስር የቆየው ይህ ግለሰብ ያለ ፍ\ቤትውሳኔ ዛሬም ድረስ እንቆቅልሽ በሆነ መልኩ ከእስር እንዲለቀቅ ተደረገ። እንደተፈታ የሞተረኞች አዛዥ፣ የመለስ ዜናዊ ዋና አጃቢተደርጎ ከመሾሙ  በተጨማሪ በአናቱ የሻምበል ማዕረግ ተመረቀለት።

ሻምበል ታዬ ለደርግ ያውም ለመንግስቱ ሃ/ማሪያም ቅርብየነበረ፣ በታማኝነቱ አጃቢ ሆኖ የተመደበና የቤተመንግስቱ ምስጢር ጠባቂ አባል ሆኖ ሳለ፣ የበአሉ ግርማን ገዳዮች አላውቃቸውም፣አይኔን ግንባር ያድርገው ማለቱ አልበቃ ብሎ በሌላ መኪና እንደወሰዱት አድርጎ መዘላበዱ ውሀ የማይቋጥር ክሕደትና ሸፍጥ ነው ይላሉ- ጉዳዩን በቅርብ የተከታተሉ ታዛቢዎች። ቤተመንግስት ተጠርቶ በአሉን ለማፈን ትዕዛዝ ተቀብሎ የተሰማራው ለስርዓቱ የበለጠ ታማኝ፣ቅርብና ምስጢር ጠባቂ ሁኖ በመገኘቱ ነው ሲሉ አስተያየታቸውን ያጠናከሩት እነዚህ ወገኖች አክለውም፦ ደርግ ማንን ፈርቶ ነው ሁለተኛመኪና የሚመድበው? በማለት ይጠይቃሉ። ጉዳዩን ይከታተሉ የነበሩ ዓቃቤ ሕግ የሻምበል ታዬ መፈታት እንቆቅልሽ እንደሆነባቸውና ከወንጀሉነፃ ሊያደርገው የሚችል ምንም አይነት ማስረጃና መከላከያ ያለማቅረቡን ተናግረዋል። የሕግ ባለሙያው ይህን ሲናገሩ አሁን የኢሕአዴግባለስልጣን የሆነው ሽመልስ ከማል (በወቅቱ የጋዜጣ አዘጋጅ)ጭምር አብሮን እንደነበረ መጠቆም እወዳለሁ። የበአሉ ግርማ ደም ከሚጮህባቸውአንዱ ሻምበል ታዬ ኡርጂ ነው ሲሉ  አቃቤ ሕጉ ያስረግጣሉ።

( የሆነስ ሆነና አሜሪካ የመሸጉት ሰውዬ ከበአሉ ግድያጋ በተያያዘ አብሮ ስማቸው ይነሳል። እንዲያውም በአንድ ወቅት በጋዜጣ ስማቸው ተጠቅሶ ሲወነጀሉ ነበር። ጉዳዩን የሚያውቁ ጋዜጠኞች«ዝም ጭጭ» ብለዋል። እስከመቼ?….)

ማጠቃለያ፦ አቶ መለስ ዜናዊ ብዙ ጊዜ ተቃዋሚ ፓርቲዎችን«የደርግ/ኢሰፓ ጥርቅሞች፣ወንጀለኞች» ወዘተ እያሉ በአደባባይ ሲናገሩ ይደመጣሉ። የእርሳቸው አጃቢ ሻምበል ታዬ የጀርባ ወንጀልታሪክ በጉያቸው ሸሽገው ወደ ሌሎች ጣት መቀሰራቸው እጅግ ያሳፍራል። ለነገሩ በመለስ መዳፍ የበርካታ ኢትዮዽያውያን ደም ስለሚጮሕየበአሉ ግርማ ጉዳይ ብዙም ባያስጨንቃቸው አይገርምም።

ሌላው የሻምበል ታዬ ገመና የለየለት ሙሰኛ መሆኑ ነው።ፒያሳ ዶሮ ማነቂያ ተብሎ በሚጠራው ከባቢ « በቀለ ስጋ ቤት» በየወሩ ዕቁብ ይሰበሰባል፤ እስከ አራት መቶ ሺህ ብር ነው የሚጣለው።ለታዬ በየወሩ የእቁብ ሒሳብ የሚከፍሉት የታክሲ ባለንብረቶች ናቸው። ሙስናው አገር ያወቀው፣ፀሐይ የሞቀው ነው።

በሚቀጥለው መለስ ዜናዊ በረቀቀ መንገድ ስላስገደሏቸውባለስልጣናት እና ስለ አደገኛው የሻዕቢያ ተላላኪ በተከታታይ መረጃዎችን ይዘን እንቀርባለን።

Share Button
Disclaimer: We are not responsible for any losses or damages that may have caused by using our services. EMF declines all responsibility for the contents of the materials stored by users. Each and every user is solely responsible for the posts.
Posted by on July 11, 2012. Filed under Uncategorized. You can follow any responses to this entry through the RSS 2.0. You can leave a response or trackback to this entry

Leave a Reply

Your email address will not be published. Required fields are marked *