ከኢትዮጵያ ብሄራዊ የሽግግር ም/ቤት የተሰጠ መግለጫ

በአፈናና ግድያ የህዝቡን የነጻነትና የመብት ጥያቄ ትግል ማቆም አይቻልም!!!!

ከኢትዮጵያ ብሄራዊ የሽግግር ም/ቤት የተሰጠ መግለጫ

ታህሳስ 26 2005 ዓ/ም 

የኢትዮጵያ ብሄራዊ የሽግር ም/ቤት በዛሬው እለት ሙስሊም ወገኖቻችን ባካሄዱት ድምፃችን ይሰማ ተቃዉሞ የተጀመረበትን 1ኛ አመት ለማክበር ባከናወኑት እጅግ ታላቅ ሀገር አቀፍ የተቃዎሞ ሰላማዊ ስልፍ ላይ እጅግ በሚያሳዝንና በሚሰቀጥጥ ሁኔታ አንድ እድሜዉ ከአስር አመት በታች የሆነ የሀረር ከተማ ህጻን በጨካኞቹና ጨፍጫፊዎቹ ፌደራል ፖሊሶች ተገድሏል። ምክር ቤቱም የህፃን ልጅ ግድያዉ እጅግ ሰብአዊነት የጎደለዉና የስርአቱን አረመኔነት ደግሞ የሚያረጋግጥ ተግባር መሆኑን በመግለጽ ግድያዉን በምሬት አጥብቆ ያወግዛል። የሽግግር ም/ቤቱም ጉዳዮ ባስቸኳይ ተጣርቶ ግድያዉን የፈፀሙት በህግ ፊት በሃላፊነት እንዲጠየቁ አጥብቆ ይጠይቃል። ግድያዉንም ሁሉም የሀገራችንና የአለማቀፉ ማህበረሰብ እንዲያወግዘዉና በሃገር ዉስጥ ያሉ የፖለቲካና ሲቪክ ድርጅቶችም ግድያዉ በገለልተኛ ወገን እንዲጣራ ግፊት እንዲያደርጉና ወንጀለኞቹ ለህግ የሚቀርቡበት ሁኔታ ላይ ተባብረዉ እንዲሰሩ ጥሪዉን ያቀርባል። በዛሬዉ እለት ሰማእት የሆነዉ ህፃን በሁላችንም ለዲሞክራሲ፤ ለፍትህ፤ ለህዝቦች ነፃነትና፤ እኩልነት በምንታገለዉ ወገኖች ዘንድ ዘላለም በሰማእትነት ሲዘከር ይኖራል። የህፃኑም ሰማእትነት ሁላችንም ለትግሉ ያለንን ቅርጠኝነትና አንድነት ይበልጥ እንደሚያጠናክርና የድሉንም ሂደት እንደሚያፋጥን ጨቋኞቻችን እንዲረዱ በድጋሚ እያረጋገጥን ለሰማእቱ ልጃችን ቤተሰቦች አምላክ ጽናቱን እንዲሰጥ እንለምናለን።

ኢትዮጵያ ለዘላለም ትኑር!!!

ሽግግር ም/ቤቱ ስራ አመራር         

Read full story in PDF

Share Button
Disclaimer: We are not responsible for any losses or damages that may have caused by using our services. EMF declines all responsibility for the contents of the materials stored by users. Each and every user is solely responsible for the posts.
Posted by on January 6, 2013. Filed under Uncategorized. You can follow any responses to this entry through the RSS 2.0. Responses are currently closed, but you can trackback from your own site.