አዲስ አበባ በሰላማዊ ሰልፍ ቀውጢ ልትሆን ነው!!

(ኢ.ኤም.ኤፍ) – ሰማያዊ ፓርቲ ከወራት በፊት በዛሬው እለት፤ ማለትም እሁድ ሴፕቴምበር 1 ቀን፣ 2013 ዓ.ም. ሰላማዊ ሰልፍ እንደሚያደርግ አሳውቆ ነበር። በዚህም መሰረት የሰላማዊ ሰልፍ ፈቃድ ለማግኘት ለከተማው ፖሊስ ኮሚሽን ቀደም ብሎ አሳውቋል። ፖሊስ ግን ከህገ መንግስቱ ውጪ በመሆን፤ ሰማያዊ ፓርቲ ያቀረበውን ጥያቄ ውድቅ አደረገ። በምትኩ የሙስሊሙን ጥያቄ ለማፈን ለተዘጋጀው የኢህአዴግ አካል ፈቃድ በመስጠት፤ በነገው እለት ሰላማዊ ሰልፍ እንዲያደርጉ አስፈላጊውን ጥበቃ እንደሚያደርግ ገልጿል።

ማምሻውን የፖሊስ ምክትል ኮሚሽነሩ፣ ግርማ ካሳ በቴሌቪዥን መስኮት ብቅ ብለው፤ “በነገው እለት ሰማያዊ ፓርቲ የሚያደርገው ሰላማዊ ሰልፍ ህገ ወጥ ነው። ሰላማዊ ሰልፍ ካደረጉ አስፈላጊውን እርምጃ እንወስዳለን።” ብለዋል። በሌላ በኩል ደግሞ ኢህአዴግ ለጠራው ሰላማዊ ሰልፍ እውቅና በመስጠት መግለጫ ሰጥቷል።

ይህ በእንዲህ እንዳለ፤ የሙስሊሙን ተቃውሞ የሚያስተባብረው “ድምጻችን ይሰማ” የተባለው አካል፤ ኢህአዴግ በጠራው እና ህጋዊ ነው በተባለው ሰላማዊ ሰልፍ ላይ በመገኘት ተቃውሟቸውን እንዲያሰሙ ጥሪ አቅርቧል። በዚህም ምክንያት ኢህአዴግ ክፉኛ ተደናግጦ፤ እቤት ለቤት ያደርግ የነበረውን ቅስቀሳ ጭምር ከትላንት ጀምሮ አቁሟል።

ከላይ በዘረዘርነው ሶስት ጉዳዮች ላይ ተመስርተን፤ እሁድ አዲስ አበባ ውስጥ ሊፈጠር የሚችለውን ነገር ሳናስበው፤ ውስጣችን ከወዲሁ መጨነቅ ጀምሯል። ነገሮችን የባሰ አስገራሚ ያደረገው ደግሞ፤ ምሽቱን የሰማያዊ ፓርቲ ጽ/ቤት እታጠቁ ኃይሎች ተከቦ፤ በቤቱ ውስጥ የነበሩት ሰዎች ጭምር ታስረዋል። ሌሎች የፓርቲው ከፍተኛ አመራሮች ከያሉበት እየታደኑ ተወስደው እስር ቤትገብተዋል። በዚህ ሁሉ ምስቅልቅል ሀሃከል ነው እንግዲህ የነገው ሰላማዊ ሰልፍ የሚደረገው። በኢ.ኤም.ኤፍ ይህ ሂደት የሚኖረውን ውጤት እየተከታተልን እናሳውቃለን።

semayawi-party-protest

Share Button
Disclaimer: We are not responsible for any losses or damages that may have caused by using our services. EMF declines all responsibility for the contents of the materials stored by users. Each and every user is solely responsible for the posts.
Posted by on August 31, 2013. Filed under Uncategorized. You can follow any responses to this entry through the RSS 2.0. You can leave a response or trackback to this entry

Leave a Reply

Your email address will not be published. Required fields are marked *