ናይሮቢ ላይ ተጠለፉ ስለተባሉት የኦብነግ መሪዎች (VOA)

የኦጋዴን ነፃ አውጭ ግንባር አባላት ናቸው የተባሉ ሰዎችን ናይሮቢ ላይ ጠልፈዋል በሚል ተይዘው የነበሩ ሁለት የኬንያ ፖሊስ አባላት በዋስትና መለቀቃቸው ተዘግቧል፡፡ የኦጋዴን ነፃ አውጭ ግንባር አባላት ናቸው የተባሉ ሰዎችን ናይሮቢ ላይ ጠልፈዋል በሚል ተይዘው የነበሩ ሁለት የኬንያ ፖሊስ አባላት በዋስትና መለቀቃቸው ተዘግቧል፡፡

የኢትዮጵያ መንግሥት ደግሞ ሁለት የኦጋዴን ተወላጆች ሰሞኑን ወደ ኢትዮጵያ በሰላማዊ መንገድ መግባታቸውን አስታውቋል፡፡

ከኢትዮጵያ መንግሥት ጋር ድርድር ለማድረግ ናይሮቢ ገብተው የነበር የተባሉ ሁለት የኦጋዴን ነፃ አውጭ ግንባር አመራር አባላትን በመጥለፍ የተጠረጠሩት ሁለት የኬንያ ፖሊስ አባላት የተለቀቁት በሁለት ሚሊየን የኬንያ ሽልንግ ወይም 427 ሺህ 840 የኢትዮጵያ ብር ዋስትና መሆኑን ዴይሊ ኔሽን የሚባለው የሃገሪቱ ጋዜጣ ዘግቧል፡፡

የኬንያ ፖሊስ አባላት የሆኑት አንድ ኮንስታብል እና አንድ ኢንስፔክተር በቁጥጥር ሥር የዋሉት የዛሬ ሣምንት ጥር 22/2006 ዓ.ም እንደነበረ ሌላው የኬንያ ጋዜጣ ዘ ስታንዳርድ ዘግቦ ነበር፡፡

የኦጋዴን ብሔራዊ ነፃ አውጭ ግንባር ከፍተኛ አመራር አባላት መሆናቸው የተነገረው ሱሉብ አሕመድ እና አሊ ሁሴን ናይሮቢ ውስጥ አራቢያን ክዊዚን ከሚባለው ምግብ ቤት ደጃፍ የተጠለፉት ባለፈው ዕሁድ፣ ጥር 18/2006 ዓ.ም ሲሆን ሰዎቹ ምናልባት በሞያሌ በኩል ለኢትዮጵያ ተላልፈው ተሰጥተው ሊሆን ይችላል ከሚል ግምት በስተቀር የት እንደሚገኙ በትክክል እንደማይታወቅ ሁለቱ የኬንያ ጋዜጦች አመልክተዋል፡፡

ለቪኦኤ መግለጫ የሰጡት የኢትዮጵያ የውጭ ጉዳይ ሚኒስቴር ቃል አቀባይ አምባሣደር ዲና ሙፍቲ ግን ሰሞኑን ሁለት የኦጋዴን ተወላጆች ወደ ኢትዮጵያ በራሣቸው ፍላጎት በሰላም መግባታቸውን ገልፀው የሶማሌ ክልላዊ መንግሥት በጉዳዩ ላይ በቅርቡ መግለጫ እንደሚሰጥ አመልክተዋል፡፡

Share Button
Disclaimer: We are not responsible for any losses or damages that may have caused by using our services. EMF declines all responsibility for the contents of the materials stored by users. Each and every user is solely responsible for the posts.
Posted by on February 6, 2014. Filed under Uncategorized. You can follow any responses to this entry through the RSS 2.0. You can leave a response or trackback to this entry

One Response to ናይሮቢ ላይ ተጠለፉ ስለተባሉት የኦብነግ መሪዎች (VOA)

  1. Goytom Reply

    February 6, 2014 at 9:14 PM

    Really funny.

Leave a Reply

Your email address will not be published. Required fields are marked *