ነብዩ ሲራክ ከሳዑዲ አረቢያ እስር ቤት መልእክት ላከ

(ኢ.ኤም.ኤፍ) ነብዩ ሲራክ በሳኡዲ አረቢያ በኢትዮጵያውያን ላይ የሚደረገውን ግፍ በሚዲያ በማጋለጥ የሚታወቅ ጋዜጠኛ ነው። የመታሰሩ ነገር ከተሰማ በኋላ ብዙም ሳይቆይ፤ እረፍት ላይ ነው አልታሰረም የሚል መረጃ ደረሰን። በኛ በኩል ይህንኑ መረጃ ለአንባቢዎቻችን አቅርበን ነበር። አሁን ግን በራሱ ብእር ከሳኡዲ እስር ቤት መልእክቱን ቢልክ፤ ቀደም ሲል ያቀረብነውን መረጃ የሚሽረው ሆነ። እኛም ቀደም ሲል ላቀረብነው “አልታሰረም” የሚል አይነት ይዘት ስላለው ዜናችን ይቅርታ እየጠየቅን፤ እነሆ ከሳኡዲ እስር ቤት የላከውን ደብዳቤ ይዘን ቀርበናል።

ከነብዩ ሲራክ።

እነሆ ለሁለተኛ ጊዜ ለአፍታ ያህል እድሉን አግኝቸ ወህኒ የመውረዴን እውነታ ላስረዳችሁ ግድ አለኝ ። ዛሬ አስረግጨ የምነግራችሁ ወህኒ የመውረዴ ምክንያት ሚስጥር ግማሽ እድሜየን ህግና ስርአቷን አክበሬ የኖርኩባትን የሳውዲት አረቢያን ህግ ተላልፌ አይደለም ! የስደተኛው ጉዳይ ያገባኛል በሚል የማቀርበው መረጃ ቅበላዬ የማይመቻቸው ፣ ያመማቸው ከተሰረሰውና እየተሰራ ካለው ከእገታው ጀርባ ስለመኖራቸው አልጠራጠርም ። … ዛሬ በዚህ ዙሪያ ብዙ አልልም!

አላወቁትም እንጅ ክፉዎች ጠቅመውኛል ፣ ያላየሁትን እንዳይ አድርገውኛል። መንገዱ የከፋ ቢሆንም በወሰዱኝ መንገድ ተመርቸ እሰማው የነበረውን የወገኖቸ የወህኒ የከፋ ኑሮና ህመም ፣ በተቆርቋሪ ጠያቂ ማጣት ፣ በፍትህ መነፈግ እየሆኑ ያሉትን ከመስማት ማየት ማመን ነውና በአካል ማየት ችያለሁ !

Bebiyu Sirak

Nebiyu Sirak

ከመታሰሬ ጥቂት ቀናት በፊት በግፍ ለተደበደበው፣ ሁለት አይኑን ላጣውና ” አይሆኑ ከምሆን ብሞት ይሻላል “ተብሎ የፎቶ መረጃው ሳይቀር በእጀ የገባውን ወጣት ምንዱብ የወህኒ ህይወትን ተጨባጭ ታሪክ ከአይን እማኞች ቃርሜያለሁ! እሱም ያለው ከታሰርኩበት የቅርብ ርቀት ነው ። … አትጠራጠሩ አገኘውም ይሆናል !

በዚህ የጭንቅ ሰአት ከእኔና ከቤተሰቦቸ ጎን ሆናችሁ አለኝታችሁን ለገለጻችሁልን ምስጋናየ ከፍ ያለ ነው ! ዛሬ ወደ ዝርዝር ጉዳዩ አንገባም ። በላይ በመላ አለም የምትገኙ ወገኖቸ ያሳያችሁኝ ድጋፍና መቆርቆር ከጨለማው ቤት ደርሶኝ ጽናት አጎናጽፎኝ ሰንብቷል። ይህም በአረብ ሃገር ስደተኛ ዙሪያ ሳቀርነው ለነበረው መረጃ ያገኘሁት ክብርና ሞገስ ሆኖ መከራውን አስረስቶኛል:፡ ምስጋናየ አይለያችሁ!

ወገኖቸ ወዳጆች ፣ ዛሬ ሰላም መሆኔን ብቻ ተረዱ ብየ እንጅ በሰፊው ስለሚሆነው አቅም በፈቀደ መጠን እናወራለን ! ዝምታው ከናፈቅኳቸው ልጆቸ ፣ ከቤተሰቦቸና ከእናንተ ጋር የሚያደርሰው መንገድ ውል እንዲይዝ የሚደረገው ሙከራ ውል እንዲይዝ የሚተጉ ወገኖችን ሂደት ላለማደናቀፍ ብቻ ለመረጋጋት ሲባል ብቻ ነው !

በጨለመው የሳውዲ ወህኒም ይነጋል ፣ በንጋቱ ጮራ ታግዘን የምናወጋው የማለዳ ወግ ናፍቆኛል:፡ ይህን ለማድረግ የሚከፈለውን ሁሉ ለመክፈል ደግሞ ልቤ ብርቱ ነው …

ሰላም ለሁላችሁ !

ነቢዩ ሲራክ

ከአንዱ የሳውዲ ወህኒ ቤት

Share Button
Disclaimer: We are not responsible for any losses or damages that may have caused by using our services. EMF declines all responsibility for the contents of the materials stored by users. Each and every user is solely responsible for the posts.
Posted by on April 3, 2014. Filed under Uncategorized. You can follow any responses to this entry through the RSS 2.0. You can leave a response or trackback to this entry

2 Responses to ነብዩ ሲራክ ከሳዑዲ አረቢያ እስር ቤት መልእክት ላከ

  1. Tedla Asfaw Reply

    April 3, 2014 at 7:41 PM

    The rumor has now become true. Journalist Nebiyu Sirak has surfaced in Saudi jail after disappearing from the public since March 4 this year. I wrote a piece regarding that last month but the diaspora media did not follow up on the tip. It was “Hiber Radio” from Las Vegas who broke the news of his being jailed last month,

    Today we heard directly from Nebiyu in one of the jails in Saudi Arabia. His letter from jail is posted on Websites.

    This brave journalist is targeted for being the voice of our sisters and brothers in Saudi Arabia. He was in front reporting all the crimes against our women. Without him we would not have known what was going on in Saudi against Ethiopians.

    No wonder he is now jailed possibly to be deported to Ethiopia. I am asking you to share this news in our community. We need to organize a rally in front of Saudi mission very soon. Our voice is very important. Silencing Nebiyu Sirak is Silencing our Sisters and Brothers !!!! Say No to Saudi Terror/Shiber !!!!

  2. በለው! Reply

    April 3, 2014 at 9:43 PM

    **በዚህና በሌሎችም ድረገፆች ላይ ሁለት የተቃረኑ ዜናዎችን አንብበን ነበር ሆኖም አሁን ከጋዜጠኛ ነብዩ ሲራክ አንደበትና ፅሑፍ ቀረበ በተባለው ዜና የግለሰቡን በቁጥጥር ሥር መዋል ስንሰማ በጣም እናዝናለን…”እውነተኛ በጠፋበት፣ተቆርቋሪና ሀገር ወዳድ በመነመነበት፣ዘመን የተገኘ የዜጎችና የሀገር ባለውለታ ሊጠየቅ ሊበረታታ ይገባል።”
    ********************!!
    >>>>አዎን…ታሰር!…ተበደል!..የሰማኽውን በዓይንህ ዓይተህ፣ የወገንን ሥቃይ በደልና ግፍ አንተም ደርሶብህ፣ መስክር! ተናገር!…አንዳንድ ቀበኞችም፣ካድሬዎችም፣ እንደመንግስት፣ እንደኀላፊ፣ እንደዜጋ፣ እንደሰው፣ ያልሰሩትን የማይሰሩትን..ችሎታም፣ ፍቃደኝነትም፣ወጋናዊነት፣ ሰብዓዊነቱም፣ የሌላቸውን ሁሉ በልጠዋቸው ተገኝተዋልና… ለበቀልም…ሞራልዎንም ለመስበር፣ ለቁርሾም…ለማሳመምም..ለማሳፈርም..የበታች ለማድረግም…ያንኑ ቆሻሻ እጅና አዕምሮአቸውን ተጠቅመው ይሆናል።

    **ይህ ካልሆነ ግን መንግስት (ካለ) በራሱ ፍቃደኝነት የተበደለው፣ የተበሳቆለው፣ የተገረፈና አጅግ እግሩ በሜንጫ በተቀነጠሰው፣ በተደፈሩ ሴት እህቶቻችን፣ በእሥርቤቱ በሚማቅቁ፣ ዛሬም ውሻ! ባርያ! ተብለው በሚዋረዱ…በእየቤቱ በተዋረድ ባርነት ቤት በተዘጋባቸው…መውጫ መግቢያው ለጠፋባቸው፣ ወይ ሀገሬ ወይ እናቴ እያሉ ለሚያነቡ ሁሉ፣በሀገራቸው ሳይደላቸው በሰው ሀገር ይሞላል ብለው አካላቸውና ሰው መሆናቸው ለጎደለባቸው፤ በተለያየ ሕምም ተለክፈው፣ በአረመኔዎች እጅ ወድቀው ለሚማቅቁ፣ ለሚሰቃዩ፣ለሚገረፉ፣በፈላ ውሃና መርዝ ለተጠበሱ፣ ለተራቡ፣ ለተጠሙ፣ለታረዙ፣የማንንት መገለጫ መታወቂያቸውን ለተቀሙ ሁሉ(…) እንደግለሰብ ሳይሆን እንደመንግስት ከጎናቸው ቆመዋል፣ ከመሃላቸው ተገኝተዋል ችግርና ዋይታቸውን ዘግበሃል!ጭራሽም እሥራትን ተካፍለዋል …ይበልጥኑም “ይህ አስከፊ ዘመን ከመምጣቱ በፊት የነገሩን ክፋትና መጪውን መጥፎ ሁኔታም ተንብየው ለመፃፍዎና ለማስገንዘብዎ፣ለመጮህዎ፣ መንግስትና የሚመለከተው አካል አስቀድሞ እንዲያስብበት፣ እንዲጠነቀቅ መፍትሔ እንዲፈጥር ፣የወጣቱ ከሀገር ፍልሰት ልቅና ኀላፊነት የጎደለው፣ የትውልድ ምክነትና ብክነት እንደሚያስከትል፣ የችግሩን ምንጭ እንዲፈተሽ፣ መንግስት የመልካም አስተዳደር፣ የትምህርትና የሥራ ፈጠራ ዕቅዱን እንዲያጤን እንዲያሻሽልና ስሕተቶችን እንዲያርም ጭምር አቶ ግሩም ተክለሃይማኖትን ጨምሮ ማሳሰባችሁን አንብበናል ሰምተናል እኛ ምሥክር ነን !!

    **”ስለዚህም የህዝብ ባለውለታ መሆንዎንን ያለው መንግስት ነኝ ባይ አካል አስቦበት! አምኖበት! በሠሩት መልካም የዜግነት ገድል ተኩራርቶ ምክንያቱ ምን ይሁን ምን…በደረሰብዎ ጉዳይ ምንም እንኳ ሀጉ ዜግነትም መኖሪያፍቃድም ቢኖርዎም መልካም ኢትዮጵያዊነትዎ…የኢትዮጵያ ኤምባሲም ሆነ የውጭ ጉዳይ ኀላፊዎች ቀዳሚ ደራሽ ሊሆን ይገባ ነበር። ማድረግም ግዴታና ኀላፊነቱ ነው። ግን ጉዳዩን ቀድመው ሰምተው ከጎንህ ለሆኑ ውለታቸውን ያከበሩ ኢትዮጵያውያን ዜጎችና ሌሎችም ሁሉ ምስጋና ይድረሳቸው። አሁንም ትውልድን በቅንነት በአንድንትና በመልካም የዜግነት ፍቅር ላይ ተነሳስቶ አቶ ነብዩ ሲራክን እንዲረዱ ቤተሰቦቻቸውንም እንዲያበረታቱ ማናቸውንም የህግ ምክርና ጥበቃንም ያገኙ ዘንድ ባለሙያዎች እንድንተባባር ሁሉንም ሰብዓዊ ዜጎች ያለ ልዩነትና አጉል ምክንያት… በመልካም ሥነ-ምግባር፣ ኀላፊንት የሚሰማቸው፣ከጎጠኝነትና ዘረኝነት የፀዳ የኢትዮጵያዊነት ማንነት ያልተለያቸው የገዢው መንግስት አካላትን ጨምሮ ለዚህ ጉዳይ ያላቸውን ተሳትፎ ለማየት በጉጉት ነው!!።

    **አሁንም ለግለሰቡ ጥንካሬን, ትዕግስን፣ መልካም ጤንነትና ፍትህን ያገኙ ዘንድ ሙሉ ልባምነታቸውን ይዘው እንዲቆዩ በሁሉም እምነትና ኢትዮጵያዊ ዜግነት ሰላም ለእሳቸውና ለተሰቦቻቸው ይሁን!። አሜን። በዚያች ቀውጢ ዘመን የችግር ገፈት ቀማሽ የሆኑ ከሳውዲ አረቢያ የተባረሩና በሕይውት ያሉ ሁሉ በፀሎት እዳይረሷቸው። እግዝሐብሔር ዋስ ጠበቃቸው ሆኖ ይህን የከፋ ዜና በደስታ ይለውጠው ዘንድ ዘወትር ፀሌቴ ነው። በቸር ይግጠመን ከሀገረ ከናዳ!

Leave a Reply

Your email address will not be published. Required fields are marked *