ትንሽ ስለ ‘መለሲ-ዝም’: ከኢህአዴጎች የምስማማበት ነጥብ (አብርሃም ደስታ – ከትግራይ)

ሳስበው ሳስበው ስለ ‘መለሲዝም’ ሰበካ የተጀመረ ይመስለኛል። በመለስ ማመናቸው ችግር የለብኝም። ግን መለስ ፈጣሪያቸው መሆኑ እየነገሩን ነው። ብዙ ነገሮች በሱ ስም እየተሰየሙ ናቸው። እነሱ እንደሚነግሩን ከሆነ የኢህአዴግ ፖሊሲ የመለስ ነው፣ መለስ ወታደራዊ መሃንዲሳቸው ነበር፣ መለስ አንቀሳቃሽ ሞተራቸው ነበር፣ የኢህአዴግ ሓሳብና ተግባር የመነጨው ከመለስ ነበር፣ ባጠቃላይ መለስ ሁለመናቸው ነበር።

ለዚህም ነው የኢህአዴግ አባላት አውቀውም ሳያውቁም መለስ የተናገረውን እንደ ፓሮት የሚደግሙት። በራሳቸው ማየት ሳይችሉ መለስ በመራቸው ይጓዛሉ። ለዚህም ነው መለስ ያወጣውን ፖሊሲ መተግበር የማይችሉ። ፖሊሲው መተግበር ያልቻሉበት መንገድ ማየት ስለሚሳናቸው ፖሊሲው ጥሩ መሆኑ ተናዘው ችግሩ ያለው ግን አፈፃፀሙ ላይ መሆኑ ይለፍፋሉ።

"ኃይላቸውንና ሥልጣናቸውንም ለአውሬው ይሰጣሉ።" ዮሃንስ ራዕይ ምዕራፍ 17፣ ቁጥር 13።

“ኃይላቸውንና ሥልጣናቸውንም ለአውሬው ይሰጣሉ።” ዮሃንስ ራዕይ ምዕራፍ 17፣ ቁጥር 13።

ግን አንድ ትክክል ወይ ጥሩ የሆነ ፖሊሲ እንዴት ላይፈፀም ይችላል? ፖሊሲ’ኮ አፈፃፀም ነው። ፖሊሲ ከህልም የሚለይበት ዋነኛው መስፈርት ስለሚፈፀም ነው። ስለዚህ አንድ ፖሊሲ አፈፃፀም ላይ ችግር ካጋጠመው ፖሊሲው ትክክል አይደለም ማለት ነው። ግን የመለስ ልጆች ‘ፖሊሲው ስህተት ነው’ ብለው የማጋለጥ ዓቅሙና ድፍረቱስ አላቸው? አይመስለኝም። ምክንያቱም ፖሊሲው የመለስ ነው። ፖሊሲው ስህተት እንደሆነ መናገር ማለት መለስ እንደሚሳሳት መመስከር ነው። መለስ ደግሞ ፈጣሪያቸው ነው። ለዚህም ነው ከነ ስህተቱ ‘የመለስ ሌጋሲ ወይ ራእይ’ እያሉ የመለስን የተሳሳተ የፖለቲካና የኢኮኖሚ አቅጣጫ ለማስቀጠል የሚባዝኑ።

ከኢህአዴግ አባላት የምስማማበት ነጥብ አለኝ፤ መለስ ሁለመናቸው ነው። እሱ የተናገረውን ያደርጋሉ፣ ይፈፅማሉ። ከነሱ ጋር የምስማማበት ነጥብ ይሄ ነው። ይሄንን ነጥብ ትርጓሜ እንስጠው።

የኢህአዴግ አባላት (እነሱ ራሳቸው እንደሚነግሩን) መለስ የፖለቲካና ኢኮኖሚ ዕይታ ምንጫቸው ነው። አዎ! ነው። ይህ ማለት አባላቱ ምን መስራት እንዳለባቸውና እንደሌለባቸው መለስ ይነግራቸው ነበር ማለት ነው። እነሱም ‘የታላቁ ባለራእይ መሪ’ ትእዛዞች ተቀብለው ይተገብሩ ነበር ማለት ነው።

የመለስና የአባላቱ ግንኙነት እንዲህ ከነበረ መለስ dictate ያደርጋቸው ነበር ማለት ነው። በእንግሊዝኛው አጠራር ሌሎችን dictate የሚያደርግ መሪ Dictator ይባላል። ስለዚህ ከተግባራዊ ትርጓሜው ተነስተን መለስን ስንገልፀው Dictator ነበር ማለት ነው። “Dictator’ ወደ አማርኛ ስንመልሰው ‘አምባገነን’ (ብትግርኛ ‘ዉልቀ መላኺ’) የሚል ትርጓሜ ይይዛል። ስለዚህ ‘ሁሉም ወይም አብዛኞቹ የፓርቲው ስራዎች የመለስ ነበሩ’ በሚል ከተስማማን ‘መለስ አምባገነን ነበር’ በሚልም መስማማት ይኖርብናል።

እኔ ‘መለስ አምባገነን ነበር’ ሲል ‘የሁሉንም አድራጊ እሱ ነበር’ እያልኩኝ ነው። እናንተም በራሳቹሁ ሚድያና አንደበት ተመሳሳይ ነገር እየነገራችሁን ነው። ስለዚህ ሓሳባችን አንድ ነው። ተስማምተናል። በመለስ ስራና ስያሜ ላይ ልዩነት የለንም።

(ስለ መለስ ላለመፃፍ ዕቅድ የነበረኝ ቢሆንም የመንግስት ሚድያዎች ግን ስለሱ እያስታወሱ አስቸገሩኝ)

Share Button
Disclaimer: We are not responsible for any losses or damages that may have caused by using our services. EMF declines all responsibility for the contents of the materials stored by users. Each and every user is solely responsible for the posts.
Posted by on August 25, 2013. Filed under Uncategorized. You can follow any responses to this entry through the RSS 2.0. You can leave a response or trackback to this entry

One Response to ትንሽ ስለ ‘መለሲ-ዝም’: ከኢህአዴጎች የምስማማበት ነጥብ (አብርሃም ደስታ – ከትግራይ)

  1. Abiy Ethiopiawe+SegaweWemenfesawe+አቢይ+ኢትዮጵያዊ+ሥጋዊ-ወመንፈሳዊ. Reply

    August 25, 2013 at 7:18 PM

    ባንዳ ላይ ትፉና:-ይትፉና።።
    ++++++++++++
    የምን ጠጋ ጠጋ፣-
    የምን ልጥፍ ልጥፍ፤-
    የምን መተሻሸት፣-
    የምን ውትፍ ውትፍ፤-
    የምን መልመጥመጥ ነው፣-
    የምን ደፋ ቀና፤-
    የሚፈሰው ደሙ መቼ ደረቀና???…
    ይህች ትንሽ ትንሽ:-ያደረች ባቄላ
    ብዙ ትሆናለች ሕዝብ አልስማማም ብላ::
    ድንጋይ ያቀበሉ፣ስንሞት ትናንትና፤-
    እስኪ አሁን ያሳዩን ፣-
    ባንዳ ላይ ይትፉና።
    እለበለዚያ ግን እመኑን እያሉ:-
    ባንዳዎች የሆኑ ሰላምተኞች አሉ::
    እኮ ምን ተገኝቶ አጨብጫቢዎቹ፤
    በዚህ በዚያ ገብተው እዚህ ተከማቹ???…
    ይቅርታን ነፍገው ሕዝብን እንደናቁ፤-
    እንዴት ባደባባይ ለመታየት በቁ???…
    ቀረ’ኮ ይሉኝታ ቀረ’ኮ መደበቅ፤-
    በጉጅሌ ጉያ ሕዝብ ላይ መሳለቅ።
    ሕሊናቸው ትናንት የተጨማለቀ፤-
    ምን እንዳደረጉን ሕዝቡ እያወቀ:-
    ስንቱ ባንዳ ጀሌ ገድሎ የተደበቀ:-
    እንዴት ባንዲት ጀንበር:-
    የሕዝብ-ደም ተፋቀ???…
    ዛሬም ባንዳን አይተው የሚጨማለቁ፤-
    የሕዝብ እንደሆኑ፣እውነቱን እንዲያውቁ፤-
    ድንጋይ ያቀበሉ፣ስንሞት ትናንትና፤-
    እስኪ አሁን ያሳዩን ፣-
    ባንዳ ላይ ይትፉና።
    በባንዳ ወርቅነት በዘሩ እያናፋ:-
    ኢትዮጵያዊነትን በመግደል ሊያጠፋ:-
    እንደያ ሲደነፋ የፈሪ ጉድ ይዞ:-
    ታሪክ ሲያዋርደው በኮዳው ጠምዝዞ:-
    ንገረን የት ነበርክ??…ሌሎችም ብትሆኑ:-
    ስለተቃረበ የድላችን ቀኑ::
    ኣረጋዊ በርሄ እነአቶ ግደይን፤
    ገብረ መድህን አርዓያ ሐቀኛው የእኛ ዐይን፤
    ሕዝብ በሞት ሲቆላ በዘር ሲመነጠር:-
    እንዲያ ሲፋለሙ ምን ትሰራ ነበር???…
    እናም የምን ጠጋ፣የምን ልጥፍ እቅፍ፤
    የምን “ኢዝም”ማለት፣-
    የምን ውትፍ ውትፍ።
    ያለፈው አለፈ እስኪ አሁን ጀምሩ፤
    በግልፁ አሳዩን በመትፋት አምርሩ።
    ሕዝቡን እየሰለሉ ማውራቱ ይቅርና;-
    ባደባባይ አሳዩን:-
    ባንዳላይ ትፉና::
    ድንጋይ ያቀበሉ፣ስንሞት ትናንትና፤
    እስኪ አሁን ያሳዩን ፣
    ባንዳ ላይ ይትፉና።

Leave a Reply

Your email address will not be published. Required fields are marked *