በትግራይ አንድ ቄስ ተገደሉ! ህወሃት ቤተ ክርስቲያንን እያሸበረ ነው (አብርሃ ደስታ – ከመቐለ)

በትግራይ ክልል ክልተ አውላዕሎ ወረዳ (ጣብያ አይናለም) በቤተክርስትያን ግንባታ ምክንያት በህዝብና አስተዳዳሪዎች መካከል አምባጓሮ ተፈጥሮ አንድ ቄስ ተገደሉ። ቄሱ ህዝብና ቤተክርስትያኑ ወክለው ከመንግስት አካላት ጋር ሲከራከሩ የነበሩ ሲሆን በመንግስት ካድሬዎች የተለያየ ዛቻ ሲደርሳቸው ቆይቶ ማንነቱ ባልታወቀ ሰው በሌሊት ተገድለው ተገኝቷል። ተጠርጣሪዎች በፖሊስ ተይዘው ምርመራ እየተደረገባቸው መሆኑ ተሰምቷል።
Abrha desta

Abrha desta

መንግስት ቤተክርስትያኑ እንዳይገነባ ያዘዘው ቤተክርስትያኑ ያረፈበት ቦታ አንድ የህወሓት ደጋፊ ባለሃብት ለኢንቨስትመንት ስለመረጠው ነው።

በተያያዘ ዜና በተምቤን ጣንቋ አበርገለ ወረዳ የመንግስት ካድሬዎች በቤተክርስትያን የፖለቲካ ስብሰባ እየጠሩ ምእመናን ስላስቸገሩ አንድ የቤተክርስትያኒቱ ቄስ በቤተክርስትያን የፖለቲካ ስብሰባ እንደማይፈቀድ ለካድሬዎቹ በመናገራቸው ቄሱ ለቀናት ታስረው መለቀቃቸው መረጃ ደርሶኛል።

ችግሩ ምን እንደሆነ ለማወቅ ቄሱ አናግሬያቸው፣ የመንግስት ካድሬዎች ተደጋጋሚ ስብሰባ እየጠሩ ብዙ ሰው ስለማይገኝላቸው ፀሎት ለማድረስ ወደ ቤተክርስትያን የሚሄድ ህዝብ እዛው በፀሎት ቦታ ህዝቡ መሰብሰብ ይሞክራሉ። ብዙውን ግዜ የስብሰባው አጀንዳ ህዝቡ ብድር እንዲወስድና ዕዳው እንዲከፍል ለማግባባት ያለመ በመሆኑ ህዝቡ አጀንዳው አይፈልገውም። እናም በቤተክርስትያን ስለሚሰበስቡት ህዝቡ ወደ ቤተክርስትያን መሄድ አቆመ። ቄሱም በቤተክርስትያን የፖለቲካ ስብሰባ እንደማይፈቀድ አወጁ። ካድሬዎቹም “ፀረ ዉድብና” በሚል ሰበብ አሰሯቸው።

አንድ በመቐለ ከተማ በሚገኝ ሀገረስብከት የሚያገለግሉ ካህን እንደነገሩኝ መንግስት የቤተክርስትያን አገልጋዮችና ሐላፊዎች የገዢው ፓርቲ አባላት እንዲሆኑ ያደርጋሉ። “ዉድብና” እያሉ እንዲናገሩ ይገደዳሉ። (ካህኑ ስማቸው እንዳይጠቀስ አደራ ብለውኛል)።

Share Button
Disclaimer: We are not responsible for any losses or damages that may have caused by using our services. EMF declines all responsibility for the contents of the materials stored by users. Each and every user is solely responsible for the posts.
Posted by on October 22, 2013. Filed under Uncategorized. You can follow any responses to this entry through the RSS 2.0. You can leave a response or trackback to this entry

Leave a Reply

Your email address will not be published. Required fields are marked *