ሊበሏት ያስቡአትን አሞራ …

ወንድሙ መኰንን፣ መሰክረም 1 ቀን 2004 ዓ.ም. |

አፓረታይዱ የወያኔ ዘርኛ ሥርዓት ቅጣምባሩ እየጠፋበት መጠቷል። የወሮባላ ሥርዓት መሆኑ እየተነቃበት በሄደ ቁጥረ ዓይን-አውጣነቱ ብሶበታል። ዓይኑነ በጨው ሙለጭ አደርጎ አጥቦ፣ በደረቁ ሊላጨን ይሞክራል። ለሚፈጽመው ወንጀል ሁሉ፣ ወንጀለኛነቱ በግልጽ እየተነበበበት ምን ምክኒያት ያስደረድረዋል? ብልጥ ነኝ ማልቱ ይሆን? ድንቄም! “ውሸት ሲደጋገም ዕውነት ይሆናል” የሚባለውን አባባል ከነጠሬ ቃሉ ውስዶት ይመስል፣ ውሸቱን በየዕለቱ ይተረትረዋል። አሁን አሁንማ፣ ወያኔ ተሳሰቶ ዕወንት ቢናገር፣ ዜጎቻችን “መንገስታችን ታሟል ማለት ነው” እሚሉበት ደረጃ ደርሰዋል። ለምሳሌ አሥራ አምስት ሺ ሕዘብ በረሀብ እየረገፈ መሆኑን የተባበሩት መንግሥታት ነግረውን የሰው አጥንት በቴሌቪዢነ እያስቆጠሩን ለወገን ድረሱ እየተባለ፣ በረሀበ የተጠቁተ የቦረና ከብት አርቢዎች ቀርበው “እኛም ከብቶቻቸንም እያለቅን ነው የወገን ያለህ” እያሉ ሲማጠኑን፣ “ገንዘቡን ሁሉ የት አደረሱት” እንዳይባል ነው መሰል መቀባዠሩ! የኛ ዘመናዊ ጠቅላይ ሥቃይ መለሰ ዜናዊ አንደለመደው፣ “የለም! ነገሩ አልገባችሁም! አኛ አገር፣ ዕድሜ ለኢህአዴግ፣ ደርቅ እንጂ፣ ወይ እንደ ንጉሡ ዘመን ወይ እንደ ደርግ ዘመን ረሀብ የለም” በማለት አቀርሸብን። ቅርሻቱን ተቀባበለው ሕዘባችንን ማደንቆር ሥራቸው የሆነው ካደሬዎቹም ያንኑ አስጠሊታ ማደንቆራቸዉን ያራገቡብን ገቡ። ይባስ ብለውም፣ የወያኔ ሬዲዮና ቴሌቪዢን አልበቃ ብሎአቸው፣ ያንኑ የገማና የገለማ የመለስን ቅረሻት ያለወትሮአቸው ቪ ኦ ኤ የአማርኛው አገለግሎት ላይ በእርሻ ሚኒስቴር ዲኤታው  በኩል በቅ ብለው እንዳለ ዘረገፉብን። ቪ ኦ ኤ ዎች! እግዚአብሔር ይይላችሁ። ሕዘባችንማ ለእንቁጣጣሸ፤

“አበባ አየሸ ወይ? ለምለም!

ዶሮ ወጥ አለሽ ወይ? የለም!
በግ ወጥ አለሽ ወይ? የለም!
ትንሽ ጥበስ አለሸ ወይ? የለም!
ገነዘብ እስኪመጣ፣ ለምለም!
ቀኑ እሰኪወጣ፣ ለምለም!
ልምከርሽ ወይ? ለምለም!
አዴይ የብር ሙዳይ ኮለል በይ!
አዴይ ወሀሸን ጠጥተሽ ጋደም በይ!”

እያለ እየቀለደ ርሀቡን ለመረሳሳት የሞከራል። በዚያን ሰሞን “ፈረቃ” የምትል ድራማ ሰረተው እንዳዝናኑን ማልት ነው።

ሰሞኑን ደገሞ ወያኔ የሕዳሴ ግድብ እያለ ሕዝባችንን መዋጮ በመዋጮ ኪሱን እያራቆተው ነው። ያለው አንጡራውን አርከፈክፎ፣ የሌለው ተበደሮ እያዋጣ ነው። የቸገረው ወገናችን በራሱ ስቃይ እያፌዘ ለመዝናናት የሞክራል። “አይ አባይ፣ ለበዙ መቶ ሺሕ ዓመታት አፈራችንን እየሸረሸርክ ያጋዝከው አንሶህ፣ አሁን ደገሞ ኪሳችንን ማራቆት ገባህ?” እየተባባለ ይሳሳቃል። ምን ይደርግ?

የወያኔ ሥርዓት የሚተነፍሰው በጠቅላይ ሥቃዩ መለስ ሳምባ ነው። ያ በሲጋራና በጫት የተበከለ ሳምባ ነው እስከአሁን በመጨረሻዋ ደቂቃ ላይ እየደረሰላቸው ነብስ የሚዘራላቸው። እነ ሰዬና ገበሩ ከወንበሩ ሲያነቃነቁት አንዲት ሌሊት ሲያምጥ አድሮ፣ “ቦናፓርቲዝም” የሚል ቅርሻት ተፋባቸው። የ”ቦናፓርቲዝምን” ምንነት ለማወቅ ሲደናበሩ፣ ውሾቹ ተቀርማመቱአቸውና ግሟሹን አሥር ቤት ሲከቱት (በሙስና! ገድ ነው!)፣ ሌሎቹን አስቦክተው የበላይነትን ተቀዳጁ። እንደዚሁ ወያኔ ተዘናገቶ ሰቀላምድ፣ ቅንጅት ደርሶ ከሥሩ ሲነቀንቀው፣ ጀሌዎቹ ተደናብረው የሚይዙትንና የሚጨብጡትን አጥተው ሲደናብሩ፣ አሁንም መለስ ሆዬ ሲቃዥ አድሮ፣ አንድ ጠዋት “ኢንተርሐምዌ” የምትለ ቃል አግኝቶ ከብብቱ ሥር አውጠቶ አቀረሸብን። ካድሬዎቹም ያቺን ተቀባብለው ተንጫጩብን። ብዙዎቻችን ግራ ተጋብትን “የድክሺነሪ ያለህ! የኢንሳይክሎፒዲያ ያለህ” እያልን ነገርዮውን ለማወቅ ስነሯሯጥ ምረጫው ደረሰና በአፍ ጢሙ ደፋው። ኢነተርሐመዌ እንደቦናፓርቲዝሟ ሳትሠራ ቀረች። አሁን መለስ ያፈጠጠ ወንጀል መሥራት ነበረበት። እሱ ወንጀለኛ ሁኖ ሳለ፣ እሱ ከሀዲ ሁኖ ሳለ፣ ነጹሐንን በወንጀልና በሀገር ከሕደት ከሰሰ። ዓለም “ጉድ” እያለም “ዕድሜ ይፍታህ” አሰፈረደባቸው። ከዚያ በሁዋላማ የሚገድለውን ገደሎ፣ የሚያሠረውን አሥሮ፣ ሥልጣኑን ካረጋጋ በሁዋላ “ምሬአቸዋለሁ” በማለት ዓይኑን በጨው አጠቦ ለቀቃቸው። የተወናበዱት የቅንጅት መሪዎችም አዚም እንደዞረባቸው ዋናውን የሀገር ጠላት መለስንና ግብረአበሮቹን ተትው እርስበርስ ሲናቆሩ ብትንትናቸው ወጣ። ያ ዓይን ያወጣ አሠራር በተመጻዋች አገሮች ዘንድ በዙም ጉዳት ሳያስከትል ማለፉ ስለተሳካለት፣ አሁን ዐይን ያውጣ ማጭበርብሩን በጠራራው ፀሐይ በሰፊው ተክኖት ያላንዳች ማወላወልና ማመንታት የማይመስሉ ሰነካላ ምክኒያቶች እየደረደረ ተቀናቃኞቹን አየገደላቸውና፣በ’ዓለመ ሕብረተሰብ ዘንድ የሚታወቁትንም እንደ ደበበ እሸቱ ያሉትን በእሥራት እያስወገዳቸው ነው።

ወያኔ የዘመኑን ቴክኖሎጂም ያላገባብ እየተጠቀመ፣ ቅረሻቱን ዩ-ቲዩብ በሚባልው ዜዴ ውጭ ኗሪ ኢተዮጵያውንን ሊበክል ድራማ እየሠራ እየረጨብን ነው። ከነዚህ ድራማዎች መሀል፣ ግንቦት 7 ሊገለብጠኝ ሲሞክር ተከታትዬ እንድት እንደደረስኩበት እዩልኝ ብሎ የበተነብን የገማ፣ የገለማ የውሸት ዝግንትል ይቅርብ ትዝታ ነው። በወቅቱ መልስ ተሰጥቶታል። በጊዜው ያላያችሁ፣ የሚከተለውነ ደረ-ገጽ ይጫኑ። http://wondimumekonnen.blogspot.com/2011/09/blog-post.html። ብሎጌ ነው።

ይኸ ብልግናው በዓለም አቀፍ ሕብረተሰብ ዘንድ ተበልቶበታል። ለምሳሌም ሰሞኑን የወጣው ዊኪ ሊክ እንደሚያስረዳን ከሆነ፣ የአሜሪካን ኤመባሲ ለመንግሥቱ ባስተላለቸው የምሰጢር የቴሌግራም መልዕክቶች አዲስ አበባ ውሰጥ በየጊዜው ይፈነዱ የነብሩት ፈንጂዎቸ፣ ሆን ተበለው የተፈጸሙ “የመንግሥት ሥራዎች” ናቸው ብሎ ደምድሞታል። እንዲያውም አንዱ ጋ ሲያትት ምን አለ መሰላችሁ! “ሁለት ሰዎቸ ከሁለት ቀን በፊት ይያዛሉ። ከሁለት ቀን በሀዋላ፣  ቦምብ በተጠመደበት፣ ቤት ወሰጥ ከሁዋላ ይቆለፍባቸዋል። የጸጥታ አባሎች፣ ቦምቡን በርቀት የፈነዳባቸዋል (remote control detonation)።” ይታያችሁ።መስኪኖቹ የወያኔ ጠቃት ሰለባዎች እዚአችው ቤት ወሰጥ ገላቸው በግፍ ተበጣጠቆ ሕይወታቸው አለፈች። ለብ በሉ፣ ይኸንን ጉድ የሚዘከዘኩት፣ የ አሜሪካን ዲፕሎማቶች ናቸው። ከዚያ በሁዋላማ የተሠራው ድራማ አሰገራሚ ነበር። “ሸዕቢያ አዲስ አበባን ባግዳድ ለማደረግ የላከቻቸው የኦነግ አባላት ቦምብ ለማፈንዳት ሲገጣጠሙ በድንገት ፈነድቶባቸው ፈጃቸው” ተበሎ ቲያትር ተሠራበት። ወያኔ ውሸት ሀጢአት መሆኑ ጨርሶ አያውአወም። “ሰው ምን ይለኛል”ማ ደሮም በአባሎቹ ህዋስ (DNA) ውሰጥ አልተፈጠረባቸውም። በነሱ ዕይታ ሁሉ ነገር፣ የተገላቢጦሽ ነው። ዕውነተና ውሸት ቦታ ተቀያይረዋል። ወንጀልና ንጽህና ቦታ ተደበላለቆባቸዋል። ከፋትና ደግነት ተምታቶባቸዋል። እነሱ ግን ገራ ግራውን ያዙ።

ይህቺ የተበላባት ዕቁብ ለመሆኑ ከየት መጣች? የመጣቺውማ ከ1997 ነበር። አንደኛውን እንደ ወትሮው ፊትለ ፊት ተኩሶ መግደል በዓለምአቀፍ ርዳታ ለጋሾች ዘንድ አስወቃሽ  እየሆነ ስለመጣ፣ መለሰ ከብብቱ ስር የመዘዛት “ትሪክ” ናት። ዘዴይቱም “ማሰብ” ትባላለች። ከ’እንገሊዝኛ የተገኘች ቃል ናት። Minimize Accusations and save bullets – MASB ብሎ ነው ለክ እንደቦናፓርቲዝሙ የፈበረካት። በዚህች ዘዴ ሕዝባችንን ቁም ሰቅሉን እያሳየውና አበሳውን እያበላው ነው። ሀሳቧን አመጦ የወለዳት መለስ ነበር። በፈረንጆቹ አቆጣጠር ሜይ 8 ቀን 1997 ዓ. ም. አቶ አሰፋ ማሩን በጠራራ ጸሐይ በአውላላ ሜዳ ላይ ተኩሶ ከገደላቸው በሀዋላ ዓለም ከዳር እስከዳር “ዓይንህን ላፈር” አለው። መለ  አምጦ ማስብን ወለደ። “ማስብ” የምትባለዋ ኮድ ሥራ ላይ ከዋለች ወዲህ ሕጉንም እነዳሰፈላጊነቱ በመጠመዘዝ ማሰር፣ እንደማጅራት መቺ አደፍጦ መግደል፣ ከተጋለጡም ሽምጥጥ አድረጎ መካድና ፊሸካ ነፊዎቸ ካሉም ማሰፍራራት፣ ሆድ-አደሮችን በጥቅም እየደለሉ ወራዳ ሥራ ማሠራትና ወንጀል ማስፈጸም፣ የመሳስሉን በሰፊው ተያያዙት። ለምሳሌም የመርካቶ  ኪስ አውላቂ የነበሩ ሌቦች አሁን የወያኔ ግብረ አበሮች ናቸው። ሥራ አግኘተው አለፎላቸዋል። ወያኔ ማጅራት ለማሰምታተ ይልካቸዋል። የተቃዊሚ አባላትን ቢሮ ሆነ በሎ ሠብሮ ለማዘረፍ፣ ያሠማራቸዋል። የኸንን ጉድ የከዱአቸው የድሮ አባሎቻቸወ በመጽሐፍ ሳይቀር አወጥተው አያጋልጡት ይገኛሉ። ተስፋዬ ገበረ አብን ለዋቢነት መጥራት የቻላል። በዚህም መሠረት በመቶ ሺ ሚቆጠሩተን ዜጎቻቸንን ያለ ጥፋት ጠፋት እየተፈበረከላቸው ወይ ወህኒ ታጉረል፣ አለበለዚያም ሕየወታቸው ጠፍቶ ደማቸው ደመ-ከለብ ሁኗል። ሰሞኑን ወንድማችንን ተወዳጁንና ታዋቂውን ተዋናይ ደበበ አሸቱን ያጋጠመው የሰበዓዊ መብት ጥሰት የዚሁ የወያኔ ድር ዝግንትል ውጤት ነው።

http://www.ethiotube.net/video/15485/Breaking-News-ETV-News–Artist-Debebe-Eshetu-arrested-for-allegedly-conspiring-with-Ginbot-7

ሁለት ነገሮችን እናስረግጥ። በመጀሪያ ደረጃ፣ ወያኔ የሰበሰባቸው ሙትቻ አሻንጉሊቶች በቀላቢ ጌታቸው በመለስ ትዕዛዝ ግንቦት ሰባትን “አሸባሪ” ብለው ስለፈረጁት ግንቦት ሰባት አሸባሪ ሊሆነ አይችልም። እንደዚያማ ቢሆን ሞት የትፈረደበት፣ ዶር ብርሀኑ ነጋ በሰላም አሜሪካን ዩኒቨርሲቲ ወስጥ ባላስተማረም ነብር። ቀጣሪውነም በርከሌይ ዩኒቨርሲቲሰ ለምን አይከስም? ሌላው ወያኔ ሞት የፈረደበት፣ አንዳረጋቸውም በሰላም እንገሊዝ አገር እንዴት መኖር ቻለ? ይልቅሰ የለየለት አሸባሪ፣ ሕወሀት ነው። ጫካ እያለ የውጭ ዜጎችን በማፈን በአሜሪካን መንግሥት አጠኚዎች ከአሸባሪዎች መፈረጁን ዛሬም በሚከተለው ደረ-ገጽ ይነበባል። ወያኔ ሥልጣን ላይ ፈጥ ካለ 20 ዓመት አስቆጠሯል። የዩኤስኤም አነቲ ቴረሪዝም ጓድንት አገኝቷል። የኽች ደረ-ገጽ ለምን አለተሰረዘችም?

http://www.start.umd.edu/start/data_collections/tops/terrorist_organization_profile.asp?id=4287

ወያኔ አሸባሪነቱን፣ ዛሬም “መንግሥት” ተበሎም አልተወም። ጎረቤት አገር ደረስ ነፈሰ ገዳዮችን ልኮ መቶ አለቃ ጃታኔ አሊን ኬኒያ ውስጥ አሰገደሏል። ሰዎቸን ከጂቡቲ አሳፍኖ ኢትዮጵያ ድረስ አሰውሰዷል። አገር ውሰጥ ከሕግ ውጪ በመቶ ሺሕ የሚቆጠሩትን በሰበብ በአሰባቡ ፈጀቷል፣ አሰፈጀቷል። ያለበቂ ምክኒያት በሚሊዮን የሚቆጠሩ ሰዎችን አሰሮ አንገላቷል። ለመሆኑ እነጸጋዬ ገብረመድህንን፣ እነስጦታው ሁሴንን፣ እነአበራሽ በርታን እመን መቃብር ወሸቃቸው?

ሀቁ፣ በብርሀኑም እጅ፤ ሆነ በአነዳረጋቸው እጅ ግን እስካሁን አንዲትም ሕይወት አልጠፋችም። ስለዚህ የለየለት ቴረሪሰት የወያኔ መንጋ እንጂ የግነቦት 7 አባላት አይደሉም። ወያኔ የማይመሰል ደራማ እየሠራ ባያደነቁረን ምናለበት! ሳታመካኝ፣ ብላኝ ነበር ያለቺው ያቺ ምስኪን እንስሳ? “ዘረፋዬን ሊያሰቆሙበኝ፣ ዘረኝነቴን ሊየስጥሉኝ የሚሞክሩትን ሁሉ አሳድዳቸዋለሁ” ቢል ያምርበታል። ደርግ አንድ የሚያደረመሰገነው ነገር ቢኖር፣ የሚፈጽመውን ወንጀል ለመቀባባት አለመሞከሩ ነው። አገር ከሀዲም አልነበረም። ወያኔ ግን፣ ከገዳይነቱም ባሻገር የ’አገር ከሕደት ወንጀሉን፣ ተጠምቆበታል።

ወያኔን ሻዕቢያ እነዳልፈጠርው፣ እንዳልኮተኮተው፣ እንዳላሳደገው፣ ዛሬ ከሻዕቢያ ጋር የተነጋገረውን ሁሉ ከአሸባሪነት እየፈረጀው ያደነቁረናል። የሚገርመው እሱ ትላንት ከሻዕቢያ ጋር “በአንድ አለጋ ካልተኛን፣ በአንድ ጉደጓድ ካለሸናን” እያለ ሲያሰቃየን እነዳልነበረ፣ የሞራሉን ብቃት ከየት አባቱ አምጠቶ ነው ዛሬ ከሻዕቢያ ጋር አትነጋግሩ ሊለን የደፈረው? ለመሆኑ አንቀጽ 37 ሕገ መንግሥቴ የሚለው ውስጥ የተጠነቀረው የማንን ጎፈሬ ለማበጠር ኑሯል? ሻዕቢያ ሁለት የባሕር በሮቻችንን እንደያዘች ኤርትራን እንድትገነጠል ማን ነበር የረዳት? ተገነጣይዋን ጠቅላይ ገዛቴን ዕወቁልኝ እያለ በተባበሩት መንግሥታትና በአፈሪካ አንድነት ኮሪዶሮች ላይ ማን ነበር ኩስኩሰ እያለ ሲለማመጥ የነበረው? ዛሬስ ቢሆን ያ ሰብህት ነጋ የሚሉት ጉድ ኤርትራ ከተጠቃች አለንላት ሲለን፣ ምን ማለቱ ነበር። “ኢትዮጵያ ትበታተናለች እነጂ የ’ኤርትራ ናፅነት አደጋ ላይ እንዲወድቅ አንፈቅድም” አልነበር ያለን?

ብዙ ብዙ ነገር ማለት ይቻላል። ጋዜጠኛ ርዕዮት ዓለሙ፣ የት ቦታ ነው ከግንቦት ሰባት አባላት ጋር ተገናኝታ የተሰባጠረችው? ጋዜጠኛ እንደመሆኗ፣ የመሰላትን ብትጽፍ “ሕገ መንግሥት” በተባለው የወያኔ ሰንክሳረስ የተፈቀደም አይደል? ዘርይሁን ገበረ እግዚአብሔርና ውብሸት ታዬስ ከጋዜጠኝነት ሙያ ባሻገር ምን ወንጀል ፈጸሙ? የሚገርመው የኤሊያስ ክፈሌ ነገር ነው። አሱን ሊደርሱበትም፣ ሊያንበረክኩትም ስለማይችሉ ቢተውት ይሻላቸው ነበር። መካሪም የላቸው ልበል እነዚህ ጋጠ-ወጦች? ኤልያስን ባያባብሱበት ይበጃቸው ነበር።

አሁን ደበበ እሸቱን ማሰራቸው ወያኔዎች የፈሩትን ሕዝባዊ አመጽ ሊያስቀርላቸው መስሏቸው ይሆን? በግፍ ላይ ግፍ በጨመሩ ቁጥር የኢትዮጵያውያን ንዴትና ቁጭት እየበዛ ነው የሚሄደው።

እንዲህ ዳመኖ ዳምኖ የዘነበ እንደሆን
የጎረፉ መውርጃ፣ በየት በኵል ይሆን?
እንዲህ ጢሶ ጢሶ፣ የነደደ እንደሆን?
የአመዱ ማፍሰሻ በየት በኵል ይሆን?

የተዳፈነ እሳት፤ ጢሶ ጢሶ መንደዱ አይቀርም። ዳመኖ ዳመኖ መዝነቡ አይቀርም። ሰሜን አፍሪካ የዘነመው የሕዝብ አመጽ ዶፍ ኢትዮጵያም ይወርዳል። የወያኔ መፍጨረጨር ከጎረፉ አያድነውም። ጠራርጎ ከነዝግንትሉ ይዞት መሄዱ አየቀሬ ነው። ይልቅ ሊበላት የከጀላተን አሞራ ሁሉ ጅግራ ባይላት ከትዝበቱ በተረፈ!!!

በ2004፣ ይደመሰስ የወያኔ ሥርዓት!

Share Button
Disclaimer: We are not responsible for any losses or damages that may have caused by using our services. EMF declines all responsibility for the contents of the materials stored by users. Each and every user is solely responsible for the posts.
Posted by on September 13, 2011. Filed under Uncategorized. You can follow any responses to this entry through the RSS 2.0. You can leave a response or trackback to this entry

Leave a Reply

Your email address will not be published. Required fields are marked *