ለሳዉዲዎች የተሰጠው መሬት – ግርማ ካሳ

ethiopia_land123213

በሕዝብና በአገር ላይ ጥቃት ሲሰነዘር የአገሪቷ መሪ ህዝቡን የመምራትና የማረጋጋት ሃላፉነት አለባቸው። ሳዉዲዎች በኢትዮጵያዉያን ላይ አሰቃቂ ግፍ በፈጸሙ ጊዜ፣ አቶ ኃይለማሪያም ደሳለኝ፣ ከመምራት ይልቅ ዝምታን መርጠው፣ አንዴ በካታር፣ ሌላ ጊዜ በፖላንድ ሲሽከረከሩ እንደነበረ ሁላችንም የምናዉቀዉ ነዉ። «ጠ/ሚኒስትሩ የት ነው ያሉት ?» የሚል ጥያቄና ትችት እየጠነከረ በመጣ ጊዜ፣ ከሳምንታት በኋላ ብቅ አሉ። በኢቲቪ ቃለ መጠይቅም አደረጉ።

የአቶ ኃይለማሪያም ቃለ መጠይቅ ግን ብዙ አልተመቸኝም። የወገኖቻችንን ቁስልና ሕመም፣ የኢትዮጵያም ዉርደት የተሰማቸው አይመስልም። በሳዉዲ ያሉ ስደተኞች ወደ አገራቸው እንዲመለሱ ከወራት በፊት ሁኔታዎችን ኢሕአዴግ አመቻችቶ፣ የተመለሱት ግን በመቶ የሚቆጠሩ ብቻ እንደሆኑ የገለጹት አቶ ኃይለማሪያም፣ «ስደተኞ በጊዜዉ ቢመለሱ ኖሮ ችግሩ አይወሳሰብም ነበር» ሲሉ፣ ለተፈጠረዉ ችግር በዋናነት የተጎዶ ወገኖቻችን ነዉ ተጠያቂ ያደረጉት። አንዳችም በሳዉዲ የተደረገዉን ግፍ የማዉገዝ ሆነ የመቃወም ነገር አላሰሙም። ዶር ቴዎድሮስ አዳኖም እንዳደረጉት፣ ስደተኞችን ሄዶ መጎብኘቱንማ እርሱት። እንደዉም «ይሄ የተፈጠረው ችግር ከሳዉዲ አረቢያ ጋር ያለንን መልካም ግንኙነት በምንም ሁኔታ አያደፈርሰውም» ሲሉም የዉጭ ጉዳይ ሚኒስቴሩ ዶር ቴዎድሮስ ከዚያ በፊት «በሳዉዲ ላይ ተመጣጣኝ እርምጃ እንወስዳለን» ያሉትን፣ በይፋ ነዉ የቀለበሱት። Read in PDF: ለሳዉዲዎች የተሰጠው መሬት

Share Button
Disclaimer: We are not responsible for any losses or damages that may have caused by using our services. EMF declines all responsibility for the contents of the materials stored by users. Each and every user is solely responsible for the posts.
Posted by on December 21, 2013. Filed under Uncategorized. You can follow any responses to this entry through the RSS 2.0. You can leave a response or trackback to this entry

Leave a Reply

Your email address will not be published. Required fields are marked *